ശരൺ ലാലിൻ്റെ എസ് ടോൺ റോബോട്ടിന് എന്തിനും ഉത്തരമുണ്ട്

മറ്റുള്ളവരുടെ ഭാവം മനസ്സിലാക്കിയും വികാരം ഉൾക്കൊണ്ടും മറുപടി നൽകുന്ന റോബോട്ടിനെ രൂപ കൽപന ചെയ്ത് വടകര ശ്രീനാരായണ ഹയർ സെക്കൻഡറി സ്‌കൂളിലെ 9-ാം ക്ലാസുകാരൻ വിദ്യാർത്ഥി ശരൺ ലാൽ. 'എസ് ടോൺ' എന്ന് പേരിട്ട റോബോർട്ടാണ് ശരൺ ലാൽ നിർമ്മിച്ചത്. കോഴിക്കോട് എൻ ഐ ടിയിലെ വിദഗ്ധർക്കു മുന്നിൽ അവതരിപ്പിച്ച് കൊണ്ട് ശരൺ ലാൽ അഭിനന്ദനം ഏറ്റുവാങ്ങകയും ചെയ്തു. സോളാറിൽ പ്രവർത്തിക്കുന്ന റോബർട്ടാണ് എസ് ടോൺ. നിർമിതബുദ്ധി (എ ഐ) സാങ്കേതിക വിദ്യ ഉപയോഗിച്ചാണ് റോബർട്ട് ആശയ വിനിമയം നടത്തുന്നതെന്നും എല്ലാ ഭാഷകളിലുമുള്ള ചോദ്യങ്ങൾക്ക് ഉത്തരം നൽകാൻ കഴിയുമെങ്കിലും ഇപ്പോൾ ഇംഗ്ലിഷ് മാത്രമാണ് ഉപയോഗിച്ചിട്ടുള്ളതെന്നും ശരൺ ലാൽ പറയുന്നു.