ആധുനിക സൗകര്യങ്ങളോടെ നവീകരിച്ച നാദാപുരം മത്സ്യമാർക്കറ്റ് ഉദ്ഘാടനം ചെയ്തു

ആധുനിക സൗകര്യങ്ങളോടെ നവീകരിച്ച നാദാപുരം മത്സ്യമാർക്കറ്റ് ഗ്രാമപഞ്ചായത്ത് പ്രസിഡൻ്റ് വി വി മുഹമ്മദലി ഉദ്ഘാടനം ചെയ്തു. 35 ലക്ഷം രൂപ ചെലവിട്ടാണ് നാദാപുരം ഗ്രാമപഞ്ചായത്ത് മാർക്കിൻ്റെ പ്രവൃത്തികൾ പൂർത്തിയാക്കിയത്. വിവിധ മുറികളായിരുന്ന മത്സ്യമാർക്കറ്റ് കെട്ടിടമാണ് വലിയ ഹാളാക്കി ടൈൽ പാകി നവീകരിച്ചത്. മുൻപേ നാദാപുരം മത്സ്യമാർക്കറ്റിൽ തന്നെ ഉണ്ടായിരുന്ന ബീഫ് സ്റ്റാൾ, ചിക്കൻ സ്റ്റാൾ, മട്ടൻ സ്റ്റാൾ എന്നിവയും കെട്ടിടത്തോടൊപ്പം പ്രത്യേക വിപണന കേന്ദ്രമാക്കി ഒരുക്കിയിട്ടുണ്ട്.