കാഴ്ചപരിമിതർക്ക് വോട്ടിങ് പരിശീലനവുമായി കോഴിക്കോട് ജില്ലാ ഭരണകൂടം

കോഴിക്കോട് ജില്ലാ ഭരണകൂടം, ജില്ലാ സാമൂഹിക നീതി ഓഫീസ്, ജില്ലാ ഇലക്ടറൽ ലിറ്ററസി ക്ലബ്, കേരള ഫെഡറേഷൻ ഓഫ് ദ ബ്ലൈൻഡ് എന്നിവ സംയുക്തമായി കാഴ്ചാ പരിമിതർക്ക് വോട്ടിങ് പരിശീലനവും വോട്ടിങ് മെഷീൻ പ്രദർശനവും നടത്തി. കുണ്ടായിത്തോട് കേരള ഫെഡറേഷൻ ഓഫ് ദ ബ്ലൈൻഡിൻ്റെ വൊക്കേഷണൽ ട്രെയിനിങ് സെൻ്ററിൽ നടന്ന പരിപാടി അസിസ്റ്റൻ്റ് കളക്ടർ ഡോ. എസ് മോഹന പ്രിയ ഉദ്ഘാടനം ചെയ്തു. കേരള ബ്ലൈൻഡ് ഫെഡറേഷൻ (KBF) കാഴ്ചാ പരിമിതർക്ക് വോട്ടിങ് പരിശീലനം വേണം എന്ന ലക്ഷ്യത്തോടെയാണ് കോഴിക്കോട് ജില്ലാ സമൂഹിക നീതി വകുപ്പിനെ സമീപിച്ചത്. വോട്ടിംഗ് പരിശീലനം നൽകിയതോടെ കാഴ്ച്ച പരിമിതർക്ക് ഇനി ജനാധിപത്യ സംവിധാന പൊതു തിരഞ്ഞെടുപ്പിൽ പങ്കെടുക്കാൻ കഴിയും. ഇതൊരു ചരിത്ര മുന്നേറ്റമാണ്.