'കോയമ്പത്തൂരിൽ വിമാനം ഇറങ്ങി, പൊലീസ് ചെലവിൽ നാട്ടിലും ജാമ്യം നേടി വീട്ടിലും എത്തി'; പ്രതിക്ക് ജാമ്യം നൽകിയതിനെതിരെ ദൃഷാനയുടെ കുടുംബം

ദൃഷാനയെ വെല്ലൂരിൽ കൊണ്ടുപോയി ചികിത്സിക്കാൻ ആലോചനയുണ്ടെന്നും സഹായം വേണമെന്നും കുടുംബം പറഞ്ഞു. എന്നാൽ സാമ്പത്തിക നില അങ്ങേയറ്റം പ്രതിസന്ധിയിലാണ്. കണ്ണൂരിൽ വീടുണ്ടെങ്കിലും വാടകയ്ക്ക് കോഴിക്കോട്ട് തങ്ങുകയാണ്. തുടർചികിത്സയ്ക്കായി വൻ ചെലവ് വേണ്ടിവരും. വെല്ലൂരിൽ ഒരു മാസത്തിൽ അഞ്ചുലക്ഷത്തിനുമേൽ ചെലവുണ്ട്. മറ്റ് സ്വകാര്യ ആശുപത്രിയിലും വലിയ ചെലവ് വേണ്ടിവരും. സർക്കാരിൽ നിന്നും ചികിത്സാ സഹായം ലഭിച്ചിട്ടില്ലെന്നും കുടുംബം പറയുന്നു.

വാഹനാപകടത്തിൽ കാർ ഓടിച്ച പുറമേരി മീത്തലെ പുനത്തിൽ ഷജീലിന് (35) വടകര ഒന്നാംക്ലാസ് ജുഡീഷ്യൽ മജിസ്‌ട്രേറ്റ് കോടതി കഴിഞ്ഞ ദിവസം ജാമ്യം നൽകിയിരുന്നു. ജാമ്യം കിട്ടാവുന്ന വകുപ്പ് പ്രകാരമായിരുന്നു കേസ്. തിങ്കളാഴ്ച കോയമ്പത്തൂരിൽ വിമാനമിറങ്ങിയപ്പോഴാണ് പ്രതിയെ പൊലീസ് പിടികൂടിയത്. ഇയാൾക്കായി ക്രൈംബ്രാഞ്ച് ലുക്കൗട്ട് നോട്ടീസ് പുറപ്പെടുവിച്ചിരുന്നു.

2024 ഫെബ്രുവരി 17നാണ് വടകരക്ക് സമീപം ചോറോട് അമൃതാനന്ദമയീമഠം സ്റ്റോപ്പിൽ രാത്രി 9 മണിയോടെ അപകടമുണ്ടായത്. പു​ത്ത​ല​ത്ത് ബേ​ബി മ​രി​ക്കു​ക​യും കൂ​ടെ​യു​ണ്ടാ​യി​രു​ന്ന പേ​ര​ക്കു​ട്ടി ദൃ​ഷാ​നക്ക് ഗു​രു​ത​ര പ​രി​ക്കേ​ൽക്കുകയും ചെയ്ത അപകടത്തിൽ ഷജീൽ കാർ നിർത്താതെ ഓടിച്ചുപോവുകയായിരുന്നു. ഷ​ജീ​ൽ ഭാ​ര്യ​ക്കും മ​ക്ക​ൾ​ക്കു​മൊ​പ്പം വ​ട​ക​ര​യി​ലെ വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ൽ സന്ദർശിച്ച് വീ​ട്ടി​ലേ​ക്ക് മ​ട​ങ്ങും വ​ഴി​യാ​ണ് ദേ​ശീ​യ പാ​ത​യി​ൽ വെ​ച്ച് ദൃ​ഷാ​ന​യെ​യും ബേ​ബി​യെ​യും ഇ​ടി​ച്ചു​തെ​റി​പ്പി​ച്ച് കാ​ർ നി​ർ​ത്താ​തെ പോ​യ​ത്. പി​ൻ​സീ​റ്റി​ലി​രു​ന്ന മ​ക്ക​ൾ മു​ൻ സീ​റ്റി​ലി​രി​ക്കാ​ൻ വാ​ശി​പി​ടി​ച്ച​തോ​ടെ​യാ​ണ് കാ​റി​ന്റെ നി​യ​ന്ത്ര​ണം ന​ഷ്ട​മാ​യ​ത്.

പ്ര​തി ഇ​ൻ​ഷു​റ​ൻ​സ് ക്ലെ​യിം ചെ​യ്ത​തി​ലൂ​ടെയാണ് സം​ഭ​വ​ത്തി​ൽ കേ​സി​ന്റെ ചു​രു​ള​ഴി​ഞ്ഞ​ത്. ഷ​ജീ​ലി​ന്‍റെ മാ​രു​തി സ്വി​ഫ്റ്റ് കാ​റി​ന്റെ മു​ൻ​ഭാ​ഗം ഇ​ടി​യു​ടെ ആ​ഘാ​ത​ത്തി​ൽ ത​ക​ർ​ന്നി​രു​ന്നു. പു​റ​മേ​രി വെ​ള്ളൂ​ർ റോ​ഡി​ലെ വ​ർ​ക്ക് ഷോ​പ്പി​ൽ അ​റ്റ​കു​റ്റ​പ്പ​ണി​ക്ക് ക​യ​റ്റി​യ കാ​ർ മ​തി​ലി​ലി​ടി​ച്ച് ത​ക​ർ​ന്ന​താ​ണെ​ന്ന് ഇ​ൻ​ഷു​റ​ൻ​സ് ക​മ്പ​നി​ക്ക് വ്യാ​ജ വി​വ​രം ന​ൽ​കി ന​ഷ്ട​പ​രി​ഹാ​രം വാ​ങ്ങു​ക​യാ​യി​രു​ന്നു.

അ​ഞ്ഞൂ​റി​ല​ധി​കം കാ​ർ വ​ർ​ക് ​ഷോ​പ്പു​ക​ളി​ൽ ക​യ​റി​യി​റ​ങ്ങി​യ അ​ന്വേ​ഷ​ണ​സം​ഘം 19,000 വാ​ഹ​ന​ങ്ങ​ളും അ​ര​ല​ക്ഷ​ത്തോ​ളം ഫോ​ൺ കോ​ളു​ക​ളും കേസിൽ പ​രി​ശോ​ധി​ച്ചു. കോ​ഴി​ക്കോ​ട്, ക​ണ്ണൂ​ർ, കാ​സ​ർ​ഗോഡ് ജി​ല്ല​ക​ളി​ലെ വ​ർ​ക്ക് ഷോ​പ്പു​ക​ൾ കേ​ന്ദ്രീ​ക​രി​ച്ചു​ള്ള അ​ന്വേ​ഷ​ണ​ത്തി​നി​ടെ​യാ​ണ് വെ​ള്ളൂ​രി​ലെ വ​ർ​ക്ക് ഷോ​പ്പി​ൽ​നി​ന്ന് അ​റ്റ​കു​റ്റ​പ്പ​ണി ന​ട​ത്തി​യ കാ​റി​ന് നാ​ഷ​ണൽ ഇ​ൻ​ഷു​റ​ൻ​സ് ക​മ്പ​നി​യി​ൽ നി​ന്ന് 30,000 രൂ​പ അ​നു​വ​ദി​ച്ച​താ​യി ക്രൈം​ബ്രാ​ഞ്ച് ക​ണ്ടെ​ത്തി​യ​ത്. തുടർന്ന് നടത്തിയ അന്വേഷണത്തിലാണ് ഈ കാറാണ് ദൃഷാനയെയും ബേബിയെയും ഇടിച്ച് തെറിപ്പിച്ചതെന്ന് കണ്ടെത്തിയത്.