സണ്ണി ജോസഫ് സ്ഥാനമേറ്റെടുക്കുന്ന ചടങ്ങിൽ നിന്ന് 7 കോൺഗ്രസ് എംപിമാർ വിട്ടുനിന്നത് എന്തുകൊണ്ട്?

തിരുവനന്തപുരം: ആന മെല‍ിഞ്ഞാലും തൊഴുത്തിൽകെട്ടില്ല എന്ന് പറഞ്ഞതുപോലെയാണ് കേരളത്തിലെ കോൺഗ്രസിന്റെ അവസ്ഥ. ആനയും അമ്പാരിയുമായി മന്ത്രിമാർ വരുന്ന പഴയ പ്രതാപമൊന്നും അവകാശപ്പെടാനില്ലെങ്കിലും പഴയ സ്വഭാവത്തിന് യാതൊരു മാറ്റവും വന്നിട്ടില്ല. കെപിസിസി പ്രസിഡന്റിന്റെ സ്ഥാനാരോഹണ ചടങ്ങിൽ,' പഴയ പോലെ ' തന്നെയാണ് കാര്യങ്ങൾ നടന്നതെന്നാണ് സൂചന. ഒരുവിഭാഗം മുതിർന്ന നേതാക്കൾ ചടങ്ങിൽ നിന്ന് വിട്ടുനിന്നത് കെപിസിസി നേതൃമാറ്റത്തിൽ മതിയായ കൂടിയാലോചന നടന്നില്ലെന്ന അമർഷത്തിന്റെ ഭാഗമായിട്ടെന്നാണ് വിവരം.