തീപിടിച്ചപ്പോൾ വീട്ടിൽ മറ്റാരുമില്ലെന്ന് വനജ; തീയണച്ചപ്പോൾ കത്തിക്കരിഞ്ഞ മൃതദേഹം; 25 വർഷം മുൻപും ‌വീട്ടിൽ തീകൊളുത്തി മരണം

എട്ടുവർഷം മുമ്പാണ് ഈ വീട്ടിൽ വനജയും ഭർത്താവ് സോമനും മകൻ മനോജും താമസമാക്കിയത്. വനജയുടെ സഹോദരൻ പ്രസാദിന്റേതാണ് കത്തിയ വീട്. 25 വർഷം മുമ്പ് പ്രസാദിന്റെ ഭാര്യ രമ ഈ വീട്ടിൽവച്ച് തീകൊളുത്തിയശേഷം കിണറ്റിൽ ചാടി മരിച്ചിരുന്നു. ഭാര്യയുടെ മരണത്തോടെ വീടുവിട്ടുപോയ പ്രസാദ് 5 വർഷം മുമ്പ് തൂങ്ങിമരിച്ചു.

നാട്ടുകാരോട് അധികം അടുപ്പം പുലർത്താത്ത പ്രകൃതമായിരുന്നു മനോജിന്റെതും കുടുംബത്തിന്റേതും. മനോജ് പലജോലികളും മാറി മാറി ചെയ്തിരുന്നു. ഇടയ്ക്ക് പെട്രോൾ പമ്പിലും ഹോട്ടലിലും പണിയെടുത്തിരുന്നു. ഇപ്പോൾ ശബരമലയിലെ ഹോട്ടലിലായിരുന്നു ജോലി. ഇന്നലെയാണ് വീട്ടിലെത്തിയത്. മനോജും മാതാപിതാക്കളും ഒന്നിച്ചിരുന്ന് മദ്യപിക്കുന്നതും വഴക്കുണ്ടാക്കുന്നതും പതിവായിരുന്നെന്ന് നാട്ടുകാർ പറഞ്ഞു. നേരത്തെ വനജയുടെ പിതാവിനെ മനോജ് റോഡിലിട്ട് മർദിച്ചിരുന്നെന്നും നാട്ടുകാർ പറഞ്ഞു.