കോൺഗ്രസിൽ റീൽസ് V/S റിയൽസ്; പോരാട്ടം സോഷ്യൽമീഡിയയിലൂടെ നേതാവാകുന്നവരും ഗ്രൗണ്ടിൽ ഇറങ്ങുന്നവരും തമ്മിൽ

നിലമ്പൂർ ഉപതെരഞ്ഞെടുപ്പ് പ്രചാരണത്തിനിടയിലാണ് ഷാഫി പറമ്പിൽ, രാഹുൽ മാങ്കൂട്ടത്തിൽ എന്നിവരുടെ സോഷ്യൽ മീഡിയ റീൽസ് വഴിയുള്ള പ്രചാരണത്തിന് എതിരെ ഒരു വിഭാഗം നേതാക്കൾ രംഗത്തു വന്നത്. സമീപകാലത്ത് നേരിട്ടുള്ള (റിയൽ) പലതരത്തിലെ ഇടപെടലുകളിലൂടെ ഗ്രാഫുയർത്തിയ ചാണ്ടി ഉമ്മനെ ആയുധമാക്കി യൂത്ത് കോണ്‍ഗ്രസിലെ ഷാഫി-രാഹുൽ ടീമിനും ഇവർക്ക് പൂർണ പിന്തുണ നൽകുന്ന വീ ഡി സതീശനും മറുപടി നൽകുന്നതും ഇവരുടെ ലക്ഷ്യമാണ്.യൂത്ത് കോൺഗ്രസ് അധ്യക്ഷ സ്ഥാനത്തേക്ക് നടന്ന തിരഞ്ഞെടുപ്പിലും പാലക്കാട് ഉപതിരഞ്ഞെടുപ്പിലും രാഹുൽ മാങ്കൂട്ടത്തിലിനെതിരായ അനിഷ്ടം ചാണ്ടി ഉമ്മൻ പരസ്യമാക്കിയിരുന്നു.