'മാങ്കൂട്ടത്തിൽ കേസിലെ പരാതിക്കാരിയുടെ വിവാഹഫോട്ടോ ഡിലീറ്റ് ചെയ്തത് ധാർമികതയുടെ പേരിൽ:' സന്ദീപ് വാര്യർ
- Published by:meera_57
- news18-malayalam
Last Updated:
യുവതിയുടെ വിവാഹത്തിൽ പങ്കെടുത്തവരിൽ ഒരാളാണ് സന്ദീപ് വാര്യർ. ഇദ്ദേഹത്തിന്റെ ഫേസ്ബുക്ക് അക്കൗണ്ടിൽ വിവാഹചിത്രം പണ്ടേ പോസ്റ്റ് ചെയ്തിരുന്നു
എം.എൽ.എ. രാഹുൽ മാങ്കൂട്ടത്തിലിനെതിരെ (Rahul Mamkootathil) പീഡനപരതി ഉന്നയിച്ച യുവതിയുടെ ഐഡന്റിറ്റി വെളിപ്പെടുത്തിയെന്ന പേരിൽ കോൺഗ്രസ് നേതാവ് സന്ദീപ് വാര്യർക്കെതിരെ (Sandeep Varier) ഡി.വൈ.എഫ്.ഐ. കേസ് നൽകിയിരുന്നു. രാഹുൽ ഈശ്വറും പരാതിയിൽ പരാമർശിക്കപ്പെടുന്നു. ഇരുവരുടെയും ഫേസ്ബുക്ക് പോസ്റ്റുകളാണ് പരാതിക്കാധാരം. പോയവർഷം യുവതിയുടെ വിവാഹത്തിൽ പങ്കെടുത്തവരിൽ ഒരാളാണ് സന്ദീപ് വാര്യർ. ഇദ്ദേഹത്തിന്റെ ഫേസ്ബുക്ക് അക്കൗണ്ടിൽ വിവാഹചിത്രം പണ്ടേ പോസ്റ്റ് ചെയ്തിരുന്നു. ഇപ്പോൾ പരാതിയുണ്ടായ സാഹചര്യത്തിൽ തന്റെ ഭാഗം വിശദീകരിക്കുകയാണ് സന്ദീപ് വാര്യർ. അദ്ദേഹത്തിന്റെ ഫേസ്ബുക്ക് പോസ്റ്റിലെ വരികൾ.
"പരാതിക്കാരിയുടെ ഐഡന്റിറ്റി വെളിപ്പെടുത്തുന്ന ഒരു പരാമർശവും എന്റെ ഭാഗത്തുനിന്ന് ഉണ്ടായിട്ടില്ല. അങ്ങനെ ചെയ്യാൻ മാത്രം വിവേകശൂന്യനല്ല ഞാൻ. മാത്രമല്ല വിവാഹ ചടങ്ങിൽ പങ്കെടുത്ത ഫോട്ടോ ഡിലീറ്റ് ചെയ്തതിനുശേഷമാണ് അത് സംബന്ധിച്ച് പോസ്റ്റ് ഇട്ടത്. അങ്ങനെ ചെയ്യാതിരിക്കാൻ മാത്രം ബുദ്ധിശൂന്യനുമല്ല ഞാൻ. അതിന്റെ ടൈമിംഗ് ഒക്കെ സാങ്കേതിക വിദഗ്ധർക്ക് പരിശോധിക്കാവുന്നതേയുള്ളൂ. മാത്രമല്ല അക്കാലയളവിൽ ഞാൻ പങ്കെടുത്ത മറ്റൊരാളുടെ വിവാഹ ഫോട്ടോയും ദുരുപയോഗിക്കുന്നതായി ശ്രദ്ധയിൽപ്പെട്ടപ്പോൾ ആ ഫോട്ടോയും ഡിലീറ്റ് ചെയ്തിട്ടുണ്ട്.
കഴിഞ്ഞ വർഷം പോസ്റ്റ് ചെയ്ത ഫോട്ടോ ആയതിനാൽ ഞാൻ ഡിലീറ്റ് ചെയ്തില്ലെങ്കിൽ പോലും എനിക്കെതിരെ ഒരു നിയമപ്രശ്‌നവും ഉണ്ടാകില്ല എന്നുറപ്പുണ്ടായിട്ടും ലക്ഷ്മി പത്മ അടക്കമുള്ള ചിലർ ശ്രദ്ധയിൽ പെടുത്തിയപ്പോൾ തന്നെ അത് ഡിലീറ്റ് ചെയ്യുകയായിരുന്നു. ധാർമ്മികതയുടെ പേരിലാണ് അത് ചെയ്തത്.
advertisement
കോൺഗ്രസ് പാർട്ടി ഇക്കാര്യത്തിൽ ശക്തമായ നടപടി എടുത്തിട്ടുണ്ട്. ആ നടപടി പാർട്ടി നേതൃത്വം ഒറ്റക്കെട്ടായി എടുത്തതാണ്. ആ തീരുമാനത്തോടൊപ്പം നിൽക്കുക എന്നുള്ളതാണ് ഓരോ കോൺഗ്രസ് പ്രവർത്തകന്റെയും കർത്തവ്യം. അതിൽക്കവിഞ്ഞ് ഇക്കാര്യത്തിൽ ഒരു വാക്ക് പോലും പറയില്ല. സത്യം വിജയിക്കണം. നിയമം നിയമത്തിന്റെ വഴിക്ക് പോകട്ടെ."
സൈബർ ആക്രമണം രൂക്ഷമായ സാഹചര്യത്തിൽ യുവതി എ.ഡി.ജി.പിക്ക് മുൻപാകെ സമർപ്പിച്ച പരാതിയിൽ ജില്ലകൾ തോറും കേസെടുക്കാൻ നടപടി കൈക്കൊണ്ടു.
Summary: DYFI has filed a case against Congress leader Sandeep Varier for revealing the identity of the woman who had filed a complaint of harassment against Rahul Mamkootathil. Rahul Easwar is also mentioned in the complaint. Sandeep Varier was one of the participants in the woman's wedding last year. He had posted the wedding picture on his Facebook account long ago. Now, in the wake of the complaint, Sandeep Varier is explaining his side.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
November 30, 2025 2:50 PM IST
മലയാളം വാർത്തകൾ/ വാർത്ത/Kerala/
'മാങ്കൂട്ടത്തിൽ കേസിലെ പരാതിക്കാരിയുടെ വിവാഹഫോട്ടോ ഡിലീറ്റ് ചെയ്തത് ധാർമികതയുടെ പേരിൽ:' സന്ദീപ് വാര്യർ
