ആയിരം വർഷം പഴക്കമുള്ള പെരുങ്ങുഴി ശ്രീ രാജരാജേശ്വരി ക്ഷേത്രം

തിരുവനന്തപുരം ജില്ലയിലെ ചിറയിൻകീഴ് താലൂക്കിൽ അഴൂർ പഞ്ചായത്തിലെ പെരുങ്ങുഴി ഗ്രാമത്തിലാണ് നിരവധി പാരമ്പര്യങ്ങളുള്ള പുരാതനമായ പെരുങ്ങുഴി ശ്രീ രാജരാജേശ്വരി ക്ഷേത്രം സ്ഥിതിചെയ്യുന്നത്. പെരുങ്ങുഴിയിലെ ഏറ്റവും വലിയ ക്ഷേത്രമാണ് ശ്രീ രാജരാജേശ്വരി ക്ഷേത്രം. ഇതിന് 1000ലേറെ വർഷത്തെ പഴക്കമുണ്ടെന്ന് വിശ്വസിക്കപ്പെടുന്നു. പെരുങ്ങുഴിനാടിനും, നാട്ടിലെ ജനങ്ങളുടെ ക്ഷേമഐശ്വര്യത്തിനും വേണ്ടി നിലകൊള്ളുന്ന പുണ്യപുരാതനവും ചരിത്രപ്രസിദ്ധവുമായ ക്ഷേത്രമാണ് ശ്രീ രാജരാജേശ്വരി ക്ഷേത്രം. ചിറയിൻകീഴിൽ നിന്ന് 5.7 കിലോമീറ്ററും, അഴൂരിൽ നിന്ന് 3 കിലോമീറ്ററും ആണ് ക്ഷേത്രത്തിലേക്കുള്ള ദൂരം. പെരുങ്ങുഴി ശ്രീ രാജരാജേശ്വരി ക്ഷേത്രം ട്രസ്റ്റാണ് ഭരണകാര്യങ്ങൾ നിർവ്വഹിക്കുന്നത്.