കേരളീയ-ദ്രാവിഡ വാസ്തുവിദ്യയുടെ വിസ്മയം: ആവാടുതുറ ശ്രീ പാൽക്കുളം ശിവതമ്പുരാൻ ക്ഷേത്രം
- Published by:Gouri S
- local18
- Reported by:Athira Balan A
Last Updated:
വിശ്വാസികൾക്ക് ആത്മീയമായ അനുഭൂതിയും ചരിത്രപ്രേമികൾക്ക് വാസ്തുവിദ്യാ വിസ്മയവുമാണ് ഈ ക്ഷേത്രം സമ്മാനിക്കുന്നത്.
ജില്ലയിലെ വിനോദസഞ്ചാര കേന്ദ്രമായ കോവളത്തിൻ്റെ ഹൃദയഭാഗത്താണ് പ്രശസ്തമായ ആവാടുതുറ ശ്രീ പാൽക്കുളം ശിവതമ്പുരാൻ ക്ഷേത്രം സ്ഥിതി ചെയ്യുന്നത്. ഭഗവാൻ ശിവന് സമർപ്പിച്ചിട്ടുള്ള ഈ പുരാതന ക്ഷേത്രം കോവളത്തെ ഒരു പ്രധാനപ്പെട്ട ആരാധനാലയമായി കണക്കാക്കപ്പെടുന്നു. മുഖ്യദേവനായ ശിവനു പുറമെ ക്ഷേത്ര സമുച്ചയത്തിൽ ഉപദേവതകളുടെ പ്രതിഷ്ഠകളും ഉണ്ട്.
കേരളീയ ക്ഷേത്ര വാസ്തുവിദ്യയുടെയും ദ്രാവിഡ ശൈലിയുടെയും മനോഹരമായ സംയോജനമാണ് ഈ ക്ഷേത്രത്തിൻ്റെ നിർമ്മിതിയിൽ കാണാൻ സാധിക്കുക. ക്ഷേത്രത്തിലെ പ്രധാന വാർഷിക ഉത്സവം കുംഭമാസത്തിലെ ശിവരാത്രിയാണ്. ഘോഷയാത്രകൾ, വൈവിധ്യമാർന്ന സാംസ്കാരിക പരിപാടികൾ, പ്രത്യേക പൂജകൾ എന്നിവയോടുകൂടി ശിവരാത്രി ഇവിടെ ഗംഭീരമായി ആഘോഷിക്കപ്പെടുന്നു. ഉത്സവത്തോടനുബന്ധിച്ച് നടത്തുന്ന മഞ്ഞപ്പാൽ വിളയാടൽ എന്ന ചടങ്ങ് വളരെയധികം സവിശേഷത നിറഞ്ഞതാണ്.
ഭഗവാൻ്റെ അനുഗ്രഹം തേടി നിരവധി വിനോദസഞ്ചാരികളും നാട്ടുകാരും ദിവസവും ക്ഷേത്രം സന്ദർശിക്കാറുണ്ട്. വിശ്വാസികൾക്ക് ആത്മീയമായ അനുഭൂതിയും ചരിത്രപ്രേമികൾക്ക് വാസ്തുവിദ്യാ വിസ്മയവുമാണ് ഈ ക്ഷേത്രം സമ്മാനിക്കുന്നത്. തിരുവനന്തപുരം ജില്ലയിലെ തന്നെ വാസ്തുവിദ്യപരമായി വളരെ സവിശേഷതകൾ പുലർത്തുന്ന മനോഹരമായ ഒരു ക്ഷേത്രം കൂടിയാണിത്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram [Trivandrum],Thiruvananthapuram,Kerala
First Published :
November 25, 2025 4:59 PM IST
മലയാളം വാർത്തകൾ/ വാർത്ത/Thiruvananthapuram/
കേരളീയ-ദ്രാവിഡ വാസ്തുവിദ്യയുടെ വിസ്മയം: ആവാടുതുറ ശ്രീ പാൽക്കുളം ശിവതമ്പുരാൻ ക്ഷേത്രം
