സ്വകാര്യ സർവീസുകൾക്ക് കെഎസ്ആർടിസി നിരക്ക് കുറച്ചു: ബസുകൾ ഇനി എളുപ്പത്തിൽ വാടകയ്ക്ക്

പുതിയ നിരക്കുകൾ നാല് വിഭാഗങ്ങളായി (എ, ബി, സി, ഡി സ്ലാബുകൾ) തിരിച്ചിരിക്കുന്നു. എല്ലാ യൂണിറ്റുകളിലെയും സ്‌പെയർ ബസുകൾ ഈ ആവശ്യത്തിനായി ഉപയോഗപ്പെടുത്തും. എം-പാനൽ വിഭാഗം ഡ്രൈവർമാരെയാകും ഈ സർവീസുകൾക്കായി വിന്യസിക്കുക. കെഎസ്ആർടിസിയുടെ ബജറ്റ് ടൂറിസം സെല്ലിനാണ് ചാർട്ടേഡ് സർവീസുകളുടെ മുഴുവൻ ചുമതലയും. ഒരു ഡിപ്പോയിൽ നിന്ന് ബസ് പുറപ്പെട്ട് തിരികെ അതേ ഡിപ്പോയിൽ എത്തുന്നതുവരെയുള്ള സമയവും ദൂരവും കണക്കിലെടുത്താണ് ഓരോ സ്ലാബിലെയും തുക നിശ്ചയിക്കുന്നത്. ഓരോ ഡിപ്പോയിലെയും ബജറ്റ് ടൂറിസം യൂണിറ്റ് കോർഡിനേറ്റർമാർക്കാണ് സർവീസിൻ്റെ ഏകോപന ചുമതല.