മുപ്പത് വർഷത്തെ കാത്തിരിപ്പിന് വിരാമം; നെയ്യാറ്റിൻകരക്ക് രണ്ട് പുതിയ പാലങ്ങൾ

30 വർഷം നീണ്ട നാട്ടുകാരുടെ കാത്തിരിപ്പിന് അവസാനമാകുന്നു. തിരുവനന്തപുരം ജില്ലയുടെ അതിർത്തി ഗ്രാമങ്ങളിൽ ഒന്നായ നെയ്യാറ്റിൻകരയുടെ 'യാത്രാഗതി'യെ മാറ്റുന്ന രണ്ട് പാലങ്ങൾ യാഥാർത്ഥ്യമാവുകയാണ്. നെയ്യാറ്റിൻകര നിവാസികളുടെ മൂന്നു പതിറ്റാണ്ട് നീണ്ട കാത്തിരിപ്പിന് വിരാമമിട്ടുകൊണ്ട് നെയ്യാറിന് കുറുകെ കന്നിപ്പുറം, ആയയിൽ എന്നീ രണ്ട് സുപ്രധാന പാലങ്ങൾ യാഥാർത്ഥ്യമാകുന്നു. ഈ പാലങ്ങളുടെ നിർമ്മാണോദ്ഘാടനം പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ് നിർവഹിച്ചു. കെ ആൻസലൻ എംഎൽഎ ചടങ്ങിൽ അധ്യക്ഷത വഹിച്ചു.