'കപ്പൽ നിർമ്മാണം' യാഥാർത്ഥ്യമാക്കാനൊരുങ്ങി പൂവാർ

തിരുവനന്തപുരം ജില്ലയിലെ പൂവാർ വിനോദസഞ്ചാരത്തിന് മുതൽക്കൂട്ടാണ്. എന്നാൽ വ്യാവസായിക പരമായുള്ള പൂവാറിൻ്റെ സാധ്യതകൾ കൂടി പ്രയോജനപ്പെടുത്തി വൻ കുതിപ്പിന് ഒരുങ്ങുകയാണ് ഇവിടെ. പൂവാറിൽ കപ്പൽ നിർമ്മാണശാല എന്ന നാട്ടുകാരുടെ ആവശ്യത്തിന് ചിറകുമുളക്കുകയാണ്. സംസ്ഥാന ബജറ്റിൽ പൂവാർ കപ്പൽ നിർമ്മാണശാലയെ പറ്റിയുള്ള പരാമർശം ഉണ്ടായിരുന്നതും ധനമന്ത്രി ഉൾപ്പെടെയുള്ളവരുടെ പരാമർശവും ഒക്കെ പൂവാറിൻ്റെ സ്വപ്നങ്ങൾക്ക് കരുത്ത് പകരുകയാണ്. തിരുവനന്തപുരം ജില്ലയുടെ മുതൽക്കൂട്ടായേക്കാവുന്ന വലിയൊരു പ്രഖ്യാപനമായിരുന്നു മുൻപ് വിഴിഞ്ഞം തുറമുഖത്തെ സംബന്ധിച്ച് പുറത്തുവന്നത്. അധികം വൈകാതെ തന്നെ വിഴിഞ്ഞം തുറമുഖം യാഥാർത്ഥ്യമായി.