'വിശപ്പ് രഹിത കേരളം': പൂവച്ചലിലും ഇനി സുഭിക്ഷ ഹോട്ടൽ

ഒരു നേരമെങ്കിലും വിശപ്പിൻ്റെ വിലയറിയാത്ത മനുഷ്യർ കുറവാണ്. പണത്തിൻ്റെ പരിമിതി മൂലമല്ല, ജോലിത്തിരക്കുകൾ കാരണം പലപ്പോഴും വിശന്നിരിക്കേണ്ടിവരുന്ന മനുഷ്യർ ധാരാളമാണ്. ദൂരദേശങ്ങളിൽ ജോലിക്ക് പോകുന്നവർക്ക് എന്നും ഭക്ഷണം കൊണ്ടുപോകുന്നത് ചിലപ്പോൾ പ്രയാസകരമായിരിക്കും. നിത്യ ചെലവുകൾ തന്നെ വർദ്ധിച്ചുവരുന്ന ഈ കാലഘട്ടത്തിൽ പുറത്ത് നിന്നുള്ള ഭക്ഷണത്തിനു കൂടി പണം ചെലവഴിക്കേണ്ടി വരിക എന്നുള്ളത് സാധാരണക്കാരനെ സംബന്ധിച്ചിടത്തോളം അല്പം പ്രയാസം ആണ്. എന്നാൽ കുറഞ്ഞ ചിലവിൽ രുചികരമായ ഭക്ഷണം വിളമ്പുന്ന 'സർക്കാർ ഹോട്ടലുകൾ' ഉണ്ട്. അരുവിക്കര പൂവച്ചലിൽ അത്തരം ഒരു ഹോട്ടൽ പ്രവർത്തനം ആരംഭിച്ചിരിക്കുകയാണ്.