തിരുവനന്തപുരത്തേക്ക് വരുന്നവരും പോകുന്നവരും ശ്രദ്ധിക്കുക: വെഞ്ഞാറമൂട് ബുധനാഴ്ച മുതൽ ഗതാഗത ക്രമീകരണം

വെഞ്ഞാറമൂട്: ഓണാഘോഷവുമായി ബന്ധപ്പെട്ട് വെഞ്ഞാറമൂട്ടിലെ ഗതാഗതത്തിരക്ക് നിയന്ത്രിക്കുന്നതിനും ഗതാഗത ക്രമീകരണം നടത്തുന്നതിനും തീരുമാനം. ഡി കെ മുരളി എംഎൽഎ അധ്യക്ഷത വഹിച്ച യോഗത്തിലാണ് തീരുമാനം. ഡിവൈഎസ്പി എസ് മഞ്ജുലാൽ, എസ്എച്ച്ഒ ആസാദ് അബ്ദുൽ കലാം, പഞ്ചായത്ത് പ്രസിഡന്റ് ബീനാ രാജേന്ദ്രൻ, ജില്ലാ പഞ്ചായത്ത് അംഗം കെ ഷീലാകുമാരി എന്നിവർ പ്രസംഗിച്ചു. 27 മുതൽ 10 വരെയാണ് വെഞ്ഞാറമൂട്ടിൽ ഗതാഗത നിയന്ത്രണം ഏർപ്പെടുത്തുന്നത്.