നിങ്ങളുടെ നഗരം തിരഞ്ഞെടുക്കുക

    LIVE- വനിതാ മതിൽ; പെൺ മതിൽ വൻമതിലായി

  • | January 01, 2019, 20:03 IST
    facebookTwitterLinkedin
    LAST UPDATED 3 YEARS AGO

    AUTO-REFRESH

    HIGHLIGHTS

    18:13 (IST)

    ആർ. ബാലകൃഷ്ണപിള്ള: എതിർക്കുന്നവർക്കു ധൈര്യമുണ്ടെങ്കിൽ ഇതുപോലൊരു മതിൽ നിർമിച്ചു കാണിക്കണമെന്ന് ആർ. ബാലകൃഷ്ണപിള്ള.  മതിലിനോട് പിൻതിരിഞ്ഞു നിന്നവർ ചരിത്രത്തോട് മറുപടി പറയേണ്ടി വരുമെന്നും ബാലകൃഷ്ണപിള്ള പറഞ്ഞു. 

    18:12 (IST)

    സി കെ ജാനു: വനിതാ മതിലിലൂടെ സംസ്ഥാനത്ത് ശക്തമായ മുന്നേറ്റമാണ് ഉണ്ടാകാൻ പോകുന്നതെന്ന് സി കെ ജാനു പറഞ്ഞു. സ്ത്രീകളെ ഇനിയും അവഗണിച്ചു സമൂഹത്തിന് മുന്നോട്ടു പോകാൻ കഴിയില്ലെന്നും ജാനു പാലക്കാട്ട് പറഞ്ഞു. 

    18:11 (IST)

    പാലക്കാട് ജില്ലയിൽ  കൊളപ്പുള്ളി മുതൽ ചെറുതുരുത്തി വരെയായിരുന്നു വനിതാ മതിൽ. പുലാമന്തോൾ, പട്ടാമ്പി, കുളപ്പുള്ളി, ചെറുതുരുത്തി എന്നിവിടങ്ങളിലായി മുപ്പത് കിലോമീറ്ററിലേറെ ദൂരത്തിൽ മൂന്നര ലക്ഷം പേർ പങ്കെടുത്തതായി സംഘാടകർ അവകാശപ്പെട്ടു.

    18:8 (IST)

    എറണാകുളം ജില്ലയിൽ അങ്കമാലി പൊങ്ങം മുതൽ ആലപ്പുഴ ജില്ലാ അതിർത്തിയായ അരുർ വരെയായിരുന്നു വനിത മതിൽ. 49 കിലോമീറ്റർ ദൈർഘ്യത്തിൽ മൂന്ന് ലക്ഷം പേർ അണിനിരന്നെന്നാണ് സംഘടകരുടെ വിലയിരുത്തൽ. ഇടപ്പള്ളിയിൽ ചേർന്ന യോഗത്തിൽ പ്രൊഫ എം ലീലാവതി അദ്ധ്യക്ഷത വഹിച്ചു. തെരഞ്ഞെടുപ്പിൽ പകുതി സീറ്റുകൾ സ്ത്രീകൾക്ക് നൽകാൻ പാർട്ടികൾ തയ്യാറാകണമെന്ന് ഡോ. എം ലീലാവതി പറഞ്ഞു

    18:6 (IST)

    പുന്നല ശ്രീകുമാർ: എടുക്കാച്ചരക്കെന്നും വർഗീയമതിൽ എന്നും ആക്ഷേപിച്ചവർക്കുള്ള മറുപടിയാണ് വനിതാമതിലിന്റെ വിജയമെന്ന് കെ.പിഎംഎസ് ജനറൽ സെക്രട്ടറി പുന്നല ശ്രീകുമാർ. ശബരി പ്രശ്നത്തിനൊപ്പം സമൂഹത്തെ ബാധിച്ചിരിക്കുന്ന ജീർണതയ്ക്കും ആൾക്കുട്ട വിചാരണകൾക്കും സദാചാരത്തിന്റെ പേരിലുള്ള ആക്രമണങ്ങൾക്കും എതിരേയുള്ല ചെറുത്തുനിൽപ്പാണ് മതിലെന്നും ശ്രീകുമാർ പറഞ്ഞു. 

    17:59 (IST)

    റിമ കല്ലിങ്കൽ: ശബരിമല യുവതി പ്രവേശന ലക്ഷ്യത്തിന് വേണ്ടി തന്നെയാണ് വനിതാ മതിലെന്ന് റിമ കല്ലിങ്കൽ. ആ ലക്ഷ്യത്തിന് വേണ്ടിയാണ് താൻ മതിലിൽ പങ്കെടുക്കാനെത്തിയതെന്നും അവർ പറഞ്ഞു. 

    തിരുവനന്തപുരം: ചരിത്രത്തിൽ ഇടംപിടിച്ച് വനിതാ മതിൽ.  നവോത്ഥാന സന്ദേശം ഉയര്‍ത്തി സംഘടിപ്പിച്ച മതിലിൽ  വൻ ജനപങ്കാളിത്തം.  കാസര്‍കോട് മുതല്‍ തിരുവനന്തപുരം വരെ 620 കിലോമീറ്റര്‍ ദൂരത്തിലാണ് മതിൽ തീർത്തത്.  അരക്കോടിയോളം പേർ വനിതാ മതിലിൽ അണിനിരന്നതായാണ് സംഘടാകർ പറയുന്നത്.

    സ്ത്രീശാക്തീകരണത്തിന്റെ വന്‍ മതിലായി വനിതാ മതില്‍ മാറുമെന്ന് മുഖ്യമന്ത്രി പിണറായി വിജയന്‍ നേരത്തെ പറഞ്ഞിരുന്നു.

    ആരോഗ്യ മന്ത്രി കെ കെ ശൈലജ കാസര്‍കോട് മതിലിന്റെ ആദ്യ കണ്ണിയാകും. സിപിഎം പോളിറ്റ് ബ്യൂറോ അംഗം ബൃന്ദാ കാരാട്ട് തിരുവനന്തപുരത്ത് അവസാന കണ്ണിയാകും. 30 ലക്ഷത്തോളം സ്ത്രീകള്‍ അണിനിരക്കുമെന്നാണ് സംഘാടകരുടെ പ്രതീക്ഷ. ദേശീയ പാതയുടെ പടിഞ്ഞാറ് വശത്താണ് മതിലിനായി സ്ത്രീകള്‍ അണി നിരക്കുക. ശബരിമല യുവതി പ്രവേശനവിധിയെ തുടര്‍ന്ന് സര്‍ക്കാര്‍ നടത്തിയ ഹിന്ദു സമുദായ സംഘടനകളുടെ യോഗത്തിലാണ് വനിതാ മതില്‍ പ്രഖ്യാപനം വന്നത്. സര്‍ക്കാരിന്റെയും ഇടതു മുന്നണിയുടെയും നേതൃത്വത്തില്‍ നടക്കുന്ന വനിതാ മതിലില്‍ എസ് എന്‍ ഡി പിയും കെ പി എം എസും അടക്കമുളള സമുദായ സംഘടനകളും മുഖ്യസംഘാടകരായുണ്ട്.

    )}