ബിരിയാണി സമൂസ; ഈ നോമ്പ് കാലത്തെ പുതിയ താരമാകുമോ?

സാധാരണഗതിയിൽ സമൂസയിൽ ഉരുളൻകിഴങ്ങും മറ്റ് പച്ചക്കറിയും ചിക്കനും ബീഫുമൊക്കെയാണ് നിറയ്ക്കുന്നത്. വെജ് സമൂസയ്ക്കും ചിക്കൻ സമൂസയ്ക്കും മീറ്റ് സമൂസയ്ക്കുമൊക്കെ നാട്ടിൽ ഇതിനോടകം ഹിറ്റാണ്. എന്നാൽ പുതിയ ബിരിയാണി സമൂസ ഈ നോമ്പുകാലത്ത് താരമായി മാറുമോയെന്നാണ് ഉറ്റുനോക്കുന്നത്.

ഇതിനോടകം ഇന്‍റർനെറ്റിൽ ചർച്ചയായി മാറിയ ബിരിയാണി സമൂസയെ അനുകൂലിച്ചും പ്രതികൂലിച്ചും അഭിപ്രായങ്ങൾ ഉയരുന്നുണ്ട്. സംഗതി രുചികരമാണെന്ന് ചിലർ അഭിപ്രായപ്പെടുമ്പോൾ, മറ്റ് ചിലർ ഇത് അരോചകമാണെന്നും പറയുന്നുണ്ട്.

@khansaamaa എന്ന ഉപയോക്താവ് ട്വിറ്ററിൽ പങ്കിട്ട ചിത്രമാണ് ബിരിയാണി സമൂസയെക്കുറിച്ചുള്ള ചർച്ചകൾ ഉയർന്നുവരാൻ കാരണം. ട്വീറ്റ് വൈറലായതോടെ നിരവധി ഉപയോക്താക്കൾ അഭിപ്രായങ്ങളുമായി രംഗത്തെത്തി. രണ്ട് വ്യത്യസ്ത ഇന്ത്യൻ പലഹാരങ്ങളും അവരുടേതായ രീതിയിൽ രുചികരമാണെന്നും അവ സംയോജിപ്പിക്കുന്നത് അനാവശ്യവും അരോചകവുമാണെന്നാണ് കൂടുതൽ പേരും അഭിപ്രായപ്പെടുന്നത്.