Health Tips| 65 വയസിൽ താഴെയുള്ളവരിൽ കാണപ്പെടുന്ന മറവിരോ​ഗം; എന്താണ് ഫ്രണ്ടോടെമ്പറൽ ഡിമൻഷ്യ?

ഈ രോഗമുള്ളവരുടെ സാമൂഹിക ഇടപെടലുകളെല്ലാം താളം തെറ്റിയേക്കാം. പലപ്പോഴും ഇവർ അനുചിതമായി പെരുമാറുകയും ചെയ്യും. ഇവർക്ക് ഒരു തീരുമാനം എടുക്കാനുള്ള കഴിവ് കുറയും. ഇവർക്ക് വ്യക്തിശുചിത്വത്തിലും താൽപര്യം നഷ്ടപ്പെട്ടേക്കാം. ചെയ്യുന്ന കാര്യങ്ങളിൽ ശ്രദ്ധ കേന്ദ്രീകരിക്കുന്നതിൽ അവർ പരാജയപ്പെടുകയും എളുപ്പത്തിൽ ശ്രദ്ധ വ്യതിചലിക്കുകയും ചെയ്യുന്നു. ഇവരുടെ ഭക്ഷണ ശീലങ്ങളിൽ മാറ്റം വരും. ഇവർക്ക് മധുരത്തോട് ഇഷ്ടം കൂടും. അവർ അനുചിതമായ ലൈംഗിക പ്രവർത്തനങ്ങളിൽ ഏർപ്പെട്ടേക്കാം. കൈകൊട്ടുന്നത് പോലെയുള്ള ചില സ്വഭാവങ്ങളും ഒരേ സിനിമ ആവർത്തിച്ചു കാണുന്നതു പോലെയുള്ള വിചിത്ര സ്വഭാവങ്ങളും രൂപപ്പെട്ടേക്കാം.

മസ്തിഷ്കത്തിൽ ടൗ പ്രോട്ടീനുകൾ (tau proteins) എന്ന് വിളിക്കപ്പെടുന്ന ഒരു തരം പ്രോട്ടീനുകളുണ്ട്. ഇവയാണ് ന്യൂറോണുകളുടെ അസാധാരണമായ പ്രവർത്തനത്തിന് കാരണമാകുന്നത്. ചിലരിൽ ജനിതകമായിത്തന്നെ ഫ്രണ്ടോടെമ്പോറൽ ഡിമെൻഷ്യ ഉണ്ടാകാനുള്ള ഇത്തരം കാരണങ്ങൾ ഉണ്ടാകാം.

മുൻകാല കുടുംബ ചരിത്രം, കോ​ഗ്നിറ്റീവ് അസസ്‍മെന്റ് എന്നിവയെ അടിസ്ഥാനമാക്കിയാണ് പ്രധാനമായും രോ​ഗനിർണയം നടത്തുന്നത്. തലച്ചോറിന്റെ എംആർഐ സ്കാൻ എടുക്കുന്നതിലൂടെയും രോ​ഗനിർണയം നടത്താൻ സാധിക്കും.

ഫ്രണ്ടോടെമ്പറല്‍ ഡിമെന്‍ഷ്യക്ക് കൃത്യമായ ചികിത്സയില്ല. പെരുമാറ്റ വൈകല്യങ്ങളെ നിയന്ത്രിക്കാൻ രോഗികൾക്ക് ആന്റീഡിപ്രസന്റുകൾ നൽകിയേക്കാം. ഭാഷാ വൈകല്യമുള്ള രോഗികളിൽ സ്പീച്ച് തെറാപ്പിയും നടത്താം.