Hungry And Anger | വിശപ്പും ദേഷ്യവും തമ്മിൽ ബന്ധമുണ്ടോ? പഠനത്തിലെ കണ്ടെത്തൽ ഇങ്ങനെ

വിശപ്പിന് (Hunger) ദേഷ്യവും (Angry) അസ്വസ്ഥതയും തമ്മിൽ എന്തെങ്കിലും ബന്ധമുണ്ടോ? ഇതിന് ഉത്തരം കണ്ടെത്തിയിരിക്കുകയാണ് ഒരു പഠനം. വിശപ്പും ദേഷ്യവും തമ്മിൽ വലിയ ബന്ധമുണ്ടെന്നാണ് ഈ ഗവേഷണ റിപ്പോർട്ട് പറയുന്നത്. കുറേ നേരം വിശന്നിരുന്നാൽ വിശപ്പും ദേഷ്യവും കൂടിക്കലർന്ന ഒരു പ്രത്യേക മനോഭാവമായ ‘ഹാങ്ക്രി’ (Hangry) ആളുകൾക്കുണ്ടാവുമെന്നാണ് ഗവേഷണം വ്യക്തമാക്കുന്നത്. ഇംഗ്ലീഷിലെ Hungry, Anger എന്നീ പദങ്ങൾ സംയോജിപ്പിച്ച് Hangry എന്ന് സാധാരണ ഗതിയിൽ ഉപയോഗിക്കാറുണ്ട്. എന്നാലിതിന് ശാസ്ത്രീയമായി അടിത്തറയുണ്ടെന്ന് ഇതുവരെ തെളിയിക്കപ്പെട്ടിരുന്നില്ല.