ഉറക്കം ശരിയാകുന്നില്ലേ? ഒഴിവാക്കേണ്ട ഒന്‍പത് കാര്യങ്ങൾ; ശീലമാക്കാം ഈ ടിപ്‌സ്

തടസ്സങ്ങളില്ലാതെയുള്ള മതിയായ ഉറക്കം എന്നത് ഒരു വ്യക്തിയുടെ മാനസിക, ശാരീരിക ആരോഗ്യത്തെ ഒരുപോലെ സ്വാധീനിക്കുന്ന ഘടകമാണ്. എന്നാല്‍ നമ്മള്‍ വരുത്തുന്ന ചെറിയ ചില തെറ്റുകള്‍ നമ്മുടെ ഉറക്കെ സാരമായി നശിപ്പിക്കാന്‍ ഇടയുണ്ട്. ഉറക്കം തടസ്സപ്പെടുന്നതോടെ ദിവസം മുഴുവന്‍ നമുക്ക് ക്ഷീണം അനുഭവപ്പെടുകയും ചെയ്യും. കിടക്കുന്നതിന് തൊട്ടുമുമ്പ് ഫോണ്‍ ഉപയോഗിക്കുന്നതും കഫീന്‍ അടങ്ങിയ പാനീയങ്ങളും മദ്യവും അമിതമായി കുടിക്കുന്നതും ഉറക്കത്തെ തടസ്സപ്പെടുത്തുന്ന ഘടകങ്ങളാണ്. നല്ല ഉറക്കത്തിന് മികച്ച അന്തരീക്ഷവും സുപ്രധാന ഘടകമാണ്. ഉറക്കത്തെ തടസ്സപ്പെടുത്തുന്ന കാര്യങ്ങള്‍ക്ക് പരിധി കല്‍പ്പിക്കാന്‍ ശ്രമിക്കാം. കൂടാതെ എന്നും ഒരേ സമയത്ത് ഉറങ്ങാന്‍ കിടക്കാനും നമ്മള്‍ ശ്രദ്ധിക്കേണ്ടതുണ്ട്. ഇക്കാര്യങ്ങള്‍ മനസ്സിലാക്കിയാല്‍ നമ്മുടെ ശരീരവും മനസ്സും കൂടുതല്‍ ഊര്‍ജസ്വലതയോടെ ഇരിക്കാന്‍ സഹായിക്കും. ആരോഗ്യത്തോടെയും ദിവസം മുഴുവന്‍ ഊര്‍ജസ്വലതയോടെ ഇരിക്കാനും ആവശ്യത്തിന് വിശ്രമിക്കേണ്ടതും അത്യാവശ്യമാണ്. ഉറക്കം തടസ്സപ്പെടുത്തുന്ന ഒന്‍പത് തെറ്റുകള്‍ ഒഴിവാക്കണമെന്ന് പറയുകയാണ് മുംബൈ കേന്ദ്രമാക്കി പ്രവര്‍ത്തിക്കുന്ന സോംണോളജിസ്റ്റ് ഹര്‍ഷിത മെഹ്ത.