ഡയാനയുടെ നീല ഗൗൺ ഇനി ആർക്ക് സ്വന്തം? മൂന്നേകാൽ കോടിക്ക് ഗൗൺ ലേലം!

വെറ്റ് ഹൗസിലെ പാര്‍ട്ടിയില്‍ ഹോളിവുഡ് നടന്‍ ജോണ്‍ ട്രവോള്‍ട്ടയ്‌ക്കൊപ്പം ഡയാന നൃത്തം ചെയ്തത് ഈ ഗൗണ്‍ ധരിച്ചായിരുന്നു. അന്ന് ഡയാനയുടെ നൃത്തിനൊപ്പം ഈ നീല ഗൗണും ശ്രദ്ധ നേടിയിരുന്നു.

വെറ്റ് ഹൗസിലെ നൃത്തം കൂടാതെ മൂന്നു വേറെ മൂന്നു പരിപാടികളിലും ഡയാന ഈ ഗൗണ്‍ ധരിച്ചിട്ടുണ്ടെന്ന് ലേല കമ്പനി വെളിപ്പെടുത്തി.

1986ല്‍ ആസ്ട്രിയ സന്ദര്‍ശിച്ചപ്പോഴായിരുന്നു ഡയാന ആദ്യമായി ഈ ഗൗൺ ധരിച്ചത്. 1991ല്‍ ലണ്ടനിലെ റോയല്‍ ഓപ്പറ ഹൗസിലെത്തിയപ്പോഴും ഡയാന ഇതേ ഗൗണാണ് ധരിച്ചിരുന്നത്. 1997ല്‍ ലോര്‍ഡ് സ്‌നോഡനു ചിത്രം വരയ്ക്കാനായി പോസ് ചെയ്തതും ഈ ഗൗൺ ധരിച്ചായിരുന്നു.

ഡയാന രാജകുമാരി മരിക്കുന്നതിനു രണ്ടു മാസം മുന്‍പ്, 1997 ജൂണില്‍ ഈ ഗൗൺ ലേലം ചെയ്തിരുന്നു, ഒരു ലക്ഷം പൗണ്ടിന് (ഏകദേശം 92 ലക്ഷം ഇന്ത്യന്‍ രൂപ) മൗറീന്‍ ഡന്‍കേല്‍ എന്ന സ്ത്രീയാണ് അന്ന് ഗൗണ്‍ ലേലത്തില്‍ പിടിച്ചത്. 2011 ല്‍ പാപ്പരായി പ്രഖ്യാപിക്കുന്നതു വരെ അവര്‍ ഈ ഗൗണ്‍ സൂക്ഷിച്ചിരുന്നു. 2013ല്‍ ബ്രിട്ടീഷുകാരനായ ഒരാള്‍ ഇതു 2,40,000 പൗണ്ടിനു (ഇന്ത്യന്‍ രൂപയില്‍ 2.25 കോടി) സ്വന്തമാക്കുകയായിരുന്നു.