പോസ്റ്റുമാൻ ഇല്ല, പകരം ഡ്രോൺ; വ്യത്യസ്ത ആശയവുമായി ഒരു പോസ്റ്റൽ സർവീസ്

കാലം മാറുകയാണ്, പോസ്റ്റുമാൻ കത്തുമായി വന്ന് ബെല്ലടിക്കുന്നതൊക്കെ പഴയ ഫാഷൻ. ഇനി നിങ്ങളുടെ പാർസൽ അല്ലെങ്കിൽ പോസ്റ്റുകൾ ഡ്രോണുകൾ വീട്ടിലെത്തിക്കും. വീഡിയോ ചിത്രീകരണത്തിനും സുരക്ഷാ പരിശോധനകൾക്കും ഡ്രോൺ ഉപയോഗിക്കുന്നതായി കേട്ടിട്ടുണ്ട്. എന്നാൽ ഇത് ആദ്യമായാണ് ഇങ്ങനെ ഒരു ഉപയോഗം. യുണൈറ്റഡ് സ്റ്റേറ്റ്സ് പോസ്റ്റൽ സർവീസ് (USPS) ആണ് ഈ പുതിയ പരീക്ഷണത്തിന് ഒരുങ്ങുന്നത്. തുടക്കത്തിൽ മെഡിക്കൽ സംബന്ധമായ പാർസലുകൾ മാത്രമാണ് ഡ്രോൺ ഡെലിവറിക്കായി ഉദ്ദേശിക്കുന്നത്. പദ്ധതി നടപ്പിലാകുന്നതിനുള്ള അവസാനവട്ട ഗവേഷണങ്ങളും പരിശോധനകളും പുരോഗമിക്കുന്നതായാണ് വിവരം.