Explained: സമൂഹ മാധ്യമങ്ങളിൽ വ്യാജ വാർത്തകൾ പ്രചരിപ്പിച്ചാൽ കുടുങ്ങും; അറിഞ്ഞിരിക്കേണ്ട കാര്യങ്ങൾ

വിശ്വാസ യോഗ്യമല്ലാത്ത ഉറവിടങ്ങളിൽ നിന്നുള്ളതോ വസ്തുതാവിരുദ്ധമോ ആയ പരാമര്‍ശങ്ങളോ, കെട്ടിച്ചമച്ചതും അസത്യവുമായ വിവരങ്ങളോ വ്യാജ വാർത്തകളാണ്.

ആൾമാറാട്ടം ലക്ഷ്യമിട്ട്  ഏതെങ്കിലും തരത്തിലുള്ള ഇലക്ട്രോണിക് ആശയവിനിമയ ഉപകാരണത്തിന്റെയോ കമ്പ്യൂട്ടർ ഉപകരണങ്ങളുടെയോ സഹായത്തോടെയുള്ള വഞ്ചന, തട്ടിപ്പ്  എന്നിവ ഐ ടി ആക്ട് 2008 ലെ സെക്ടറിന് 66D പ്രകാരം കുറ്റകരമാണ്.

ദുരന്തങ്ങളെ കുറിച്ചോ അവയുടെ ആഴത്തെ സംബന്ധിച്ചോ പരിഭ്രാന്തി പരത്തുന്ന തരത്തിൽ തെറ്റായ വിവരങ്ങളോ അപായ മുന്നറിയിപ്പുകളോ പ്രചരിപ്പിക്കുന്നത് 2005 ലെ ദുരന്ത നിവാരണ നിയമമനുസരിച്ച് കുറ്റകരമാണ്.

പൊതുജനങ്ങൾക്കിടയിൽ ഭയം സൃഷ്ടിച്ഛ് പരിഭ്രാന്തി പരത്തുന്ന തരത്തിലുള്ള കുറിപ്പുകളോ പ്രസ്താവനകളോ പുറത്തിറക്കുകയോ പ്രചരിപ്പിക്കുകയോ ചെയ്യുന്നത് ഇന്ത്യൻ ശിക്ഷ നിയമത്തിലെ സെക്ഷൻ 505(1) അനുസരിച്ച് ശിക്ഷാർഹമാണ്.

പ്രകോപനം സൃഷ്ടിക്കുന്നതിന് വേണ്ടി വിദ്വേഷപ്രചാരണം നടത്തുകയും മറ്റ്‌ നിയമ വിരുദ്ധ പ്രവർത്തനങ്ങൾ നടത്തുകയും ഇത്തരം പ്രകോപനങ്ങളിലൂടെ കലാപം ലക്‌ഷ്യം വെക്കുകയും ചെയ്യുന്ന തരത്തിലുള്ള വ്യാജ വാർത്തകൾ ഐ പി സി 153 വകുപ്പ് പ്രകാരം കുറ്റകരമാണ്.

വാക്കാലോ വായിക്കാവുന്ന താരത്തിലുള്ളതോ ആയ പരാമർശങ്ങൾ, ഏതെങ്കിലും തരത്തിലുള്ള സൂചനകൾ, പ്രസ്താവനകൾ, അപായപ്പെടുത്തണമെന്ന ഉദ്ദേശത്തോടെയുള്ള ആൾമാറാട്ടം എന്നിവയിലൂടെ ഒരു വ്യക്തിയുടെ യശസ്സിന് കോട്ടം വരുകയും അപകീർത്തിപ്പെടുകയും ചെയ്യുന്ന തരത്തിലുള്ള പ്രചാരണങ്ങൾ ഇന്ത്യൻ ശിക്ഷ നിയമം 499 , 500 വകുപ്പുകൾ പ്രകാരം ശിക്ഷാർഹമായ കുറ്റമാണ്.