സ്വകാര്യവ്യക്തിക്കായി പഞ്ചായത്ത് തോട് കയ്യേറിയെന്ന് പരാതി; മുഖ്യമന്ത്രി അന്വേഷണത്തിന് നിർദേശിച്ചു

തണ്ണീർതട പരിപാലന നിയമങ്ങൾ കാറ്റിൽ പറത്തിയാണ് നിർമ്മാണമെന്ന് സിപിഎം ജില്ല സെക്രട്ടറി എം വി ജയരാജൻ ആരോപിച്ചു. എന്നാൽ പ്രദേശത്തെ രണ്ട് സുപ്രധാന റോഡുകളെ ബന്ധിപ്പിക്കുന്ന പദ്ധതി സി പി എം രാഷ്ട്രീയ ലക്ഷ്യത്തോടെ എതിർക്കുന്നു എന്നാണ് പഞ്ചായത്ത് ഭരണ സമിതിയുടെ നിലപാട്. സമീപത്തെ സ്കൂളിലേക്കും ഹോമിയോ ആശുപത്രിയിലേക്കും എളുപ്പത്തിൽ എത്താനും വഴി ഉപകരിക്കുമെന്ന് മാടായി പഞ്ചായത്ത് പ്രസിഡൻറ് എ. സുഹറാബി പറഞ്ഞു.