ഓഹരി വേണോ? ഒരു പേജിൽ നേട്ടങ്ങൾ വിവരിക്കാൻ എക്സ് ജീവനക്കാരോട് ഇലോൺ മസ്ക്

കമ്പനിയുടെ ഓഹരികൾ നേടാൻ ഒരു പേജിൽ തൊഴിൽ നേട്ടങ്ങളെക്കുറിച്ച് വിവരിക്കാൻ ടെസ്ല, സ്പെയ്സ് എക്സ് സി.ഇ.ഒ ഇലോൺ മസ്ക് എക്സ് ജീവനക്കാർക്ക് നിർദ്ദേശം നൽകിയതായി റിപ്പോർട്ട്. അമേരിക്കയിലെ മാധ്യമ സ്ഥാപനമായ വെർജാണ് ഇക്കാര്യം റിപ്പോർട്ട് ചെയ്തത്. ജീവനക്കാർ കമ്പനിയ്ക്ക് നൽകിയ സംഭാവനകൾ പരിഗണിച്ചായിരിക്കും ഓഹരികൾ അനുവദിക്കുക എന്ന് പരാമർശിച്ചുകൊണ്ട് കമ്പനി, ജീവനക്കാർക്ക് അയച്ച മെയിൽ വെർജിന് ലഭിച്ചിരുന്നു. കമ്പനിയുടെ ഷെയറുകൾ സ്വന്തമാക്കാൻ ജീവനക്കാർ കമ്പനിക്ക് നൽകിയ സംഭാവനകൾ എന്താണെന്ന് ഒരുപേജിൽ റിപ്പോർട്ടെഴുതി സമർപ്പിക്കണമെന്നാണ് നിർദ്ദേശം. സ്പേസ് എക്സ് ജീവനക്കാർക്ക് നൽകിയിരുന്നതു പോലെ എക്സിലെ ജീവനക്കാർക്കും ഓഹരി വിൽക്കുമെന്ന് മുൻപ് ഇലോൺമസ്ക് ഉറപ്പ് നൽകിയിരുന്നെങ്കിലും ഇതുവരയും പാലിക്കപ്പെട്ടിരുന്നില്ല.