മുപ്പതുവർഷം മുൻപ് 16കാരനിൽ കുഞ്ഞ് ജനിച്ചു; ബന്ധം രഹസ്യമാക്കിവച്ച ഐസ്‌ലാൻഡ് മന്ത്രി രാജിവച്ചു
- Published by:Rajesh V
- news18-malayalam
Last Updated:
ഒരു പ്രാദേശിക വാർത്താ ഏജൻസിയാണ് രഹസ്യബന്ധത്തിൽ മന്ത്രിക്ക് കുഞ്ഞുണ്ടെന്ന വിവരം പുറത്തുകൊണ്ടുവന്നത്.
മുപ്പതു വർഷം മുൻപ് 16 കാരനിൽ കുഞ്ഞ് ജനിച്ചെന്ന വെളിപ്പെടുത്തലിന് പിന്നാലെ ഐസ്‌ലാൻഡ് ശിശുവകുപ്പ് മന്ത്രി അസ്തിൽദുർ ലോവ തോഴ്സ്ദോത്തിർ രാജിവച്ചു. ഇപ്പോൾ 58കാരിയായ ലോവ, 22 വയസ്സുള്ളപ്പോഴാണ് പ്രായപൂർത്തിയാകാത്ത കുട്ടിയുമായി ബന്ധപ്പെട്ടിരുന്നത്. അക്കാലത്ത് മത സംഘടനയുടെ കൗൺസിലറായിരുന്നു ലോവ. കൗൺസിലിങ്ങിനെത്തിയ 15കാരൻ ഈറിക് അസ്മുണ്ട്സണുമായി പരിചയപ്പെട്ടു. കുടുംബപ്രശ്നത്തിൽ നിന്ന് രക്ഷ തേടിയാണ് അന്ന് കൗൺസിലിങ്ങിനെത്തിയതെന്ന് ഈറിക് പറയുന്നു. അടുത്ത വർഷം ഇരുവർക്കും കുഞ്ഞ് പിറന്നു. അന്ന് ലോവയ്ക്ക് വയസും 23ഉം ഈറിക്കിന് 16ഉം.
വര്‍ഷങ്ങളോളം ഇരുവരുടെയും ബന്ധം രഹസ്യമായി തുടർന്നു. കുഞ്ഞ് പിറക്കുന്ന സമയത്തെല്ലാം ലോവയ്ക്കൊപ്പം ഉണ്ടായിരുന്നതായി ഈറിക് പറയുന്നു. പിന്നീട് ലോവ മറ്റൊരാളുമായി വിവാഹബന്ധത്തിൽ ഏർപ്പെട്ടതോടെയാണ് കാര്യങ്ങൾ തകിടം മറിഞ്ഞത്. വർഷങ്ങൾക്കു ശേഷം തന്‍റെ കുഞ്ഞിന്‍റെ കസ്റ്റഡി ആവശ്യപ്പെട്ടു കൊണ്ടാണ് ഈറിക് ഐസ്‌ലൻഡിലെ നീതിന്യായ മന്ത്രാലയത്തെ സമീപിച്ചത്. ലോവ ഈ ആവശ്യം നിരാകരിച്ചു.
ഒരു പ്രാദേശിക വാർത്താ ഏജൻസിയാണ് രഹസ്യബന്ധത്തിൽ മന്ത്രിക്ക് കുഞ്ഞുണ്ടെന്ന വിവരം പുറത്തുകൊണ്ടുവന്നത്. സംഭവം വിവാദമായതോടെയാണ് ലോവയുടെ രാജിക്കു വേണ്ടിയുള്ള മുറവിളി ഉയർന്നത്. വളരെ ഗൗരമേറിയ കാര്യമാണിതെന്ന് പ്രധാനമന്ത്രി ക്രിസ്ട്രുൻ ഫ്രോസ്റ്റാഡോട്ടിർ പ്രതികരിച്ചു. മന്ത്രി സ്ഥാനം രാജിവച്ച ലോവ, പാർലമെന്‍റ് അംഗത്വം രാജി വയ്ക്കില്ലെന്ന് വ്യക്തമാക്കി കഴിഞ്ഞു. ആ സംഭവത്തിനു ശേഷം ഒരുപാടുകാലം കഴിഞ്ഞു പോയി. ഒരുപാട് മാറ്റങ്ങൾ തനിക്കുണ്ടായി, ഇന്നായിരുന്നെങ്കിൽ വളരെ വ്യത്യസ്തമായിട്ടായിരിക്കും ഇക്കാര്യമെല്ലാം കൈകാര്യം ചെയ്യുക എന്നാണ് ലോവ പറയുന്നത്.
advertisement
ഐസ്‌ലാൻഡിൽ ലൈംഗിക ബന്ധത്തിനുള്ള നിയമപരമായ പ്രായം എത്ര?
ബിബിസി റിപ്പോർട്ട് പ്രകാരം, 15 വയസ്സുള്ള ഒരാളുമായി ലൈംഗിക ബന്ധത്തിൽ ഏർപ്പെടുന്നത് ഐസ്‌ലാൻഡിൽ നിയമവിരുദ്ധമല്ല, കാരണം അതാണ് രാജ്യത്തെ നിയമപരമായ പ്രായം. എന്നാൽ ഒരു അധ്യാപകനോ ഉപദേഷ്ടാവോ 18 വയസിന് താഴെയുള്ള ഒരാളുമായി ലൈംഗിക ബന്ധത്തിൽ ഏർപ്പെടുന്നത് നിയമവിരുദ്ധമാണ്. 18 വയസിനുതാഴെയുള്ള സാമ്പത്തികമായി ആശ്രയത്വമുള്ളയാളുമായി കിടക്ക പങ്കിടുന്നതിനും ഇത് ബാധകമാണ്. 16കാരനുമായി രഹസ്യബന്ധമുണ്ടായിരുന്ന സമയത്ത് ഒരു മതപരമായ സംഘടനയുടെ കൗൺസിലറായിരുന്നു അസ്തിൽദുർ ലോവ തോഴ്സ്ദോത്തിർ.
advertisement
Summary: Iceland Minister Asthildur Loa Thorsdottir resign after relation with 16 year old boy before 30 years.
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ലോക വാർത്തകൾക്കായി News18 മലയാളത്തിനൊപ്പം വരൂ
Location :
New Delhi,New Delhi,Delhi
First Published :
March 25, 2025 8:49 PM IST
മലയാളം വാർത്തകൾ/ വാർത്ത/World/
മുപ്പതുവർഷം മുൻപ് 16കാരനിൽ കുഞ്ഞ് ജനിച്ചു; ബന്ധം രഹസ്യമാക്കിവച്ച ഐസ്‌ലാൻഡ് മന്ത്രി രാജിവച്ചു
