മ്യാൻമർ, തായ്‌ലൻഡ് ഭൂചലനം: മരണം 150 കടന്നു; ഇന്ത്യ ദുരിതാശ്വാസത്തിനായി 15 ടൺ സാധനങ്ങൾ മ്യാൻമറിലേക്ക് അയച്ചു

Published by:ASHLI
news18-malayalam

Last Updated:Mar 29, 2025 7:44 AM IST

തായ്ലൻഡിൽ ഉള്ള ഇന്ത്യൻ പൗരന്മാർക്ക് അടിയന്തിര സാഹചര്യങ്ങളിൽ +66 618819218 എന്ന നമ്പറിൽ ബന്ധപ്പെടാമെന്ന് എംബസി അറിയിച്ചു

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ഭൂചലനത്തിൽ വിറങ്ങലിച്ച മ്യാൻമറിന് ഇന്ത്യയുടെ സഹായം. അടിയന്തര സഹായമായി 15 ടൺ സാധനങ്ങൾ ഇന്ത്യൻ സൈന്യം മ്യാൻമറിലേക്ക് അയച്ചു. ഹിൻഡൺ വ്യോമസേനാ സ്റ്റേഷനിൽ നിന്ന് ഇന്ത്യൻ വ്യോമസേനയുടെ C130J വിമാനത്തിലാണ് അവശ്യസാധനങ്ങൾ ദുരന്തബാധിത പ്രദേശത്തേക്ക് കൊണ്ടുപോകുന്നത്. ടെന്റുകൾ, സ്ലീപ്പിംഗ് ബാഗുകൾ, പുതപ്പുകൾ, റെഡി-ടു-ഈറ്റ് ഭക്ഷണം, വാട്ടർ പ്യൂരിഫയറുകൾ, സോളാർ ലാമ്പുകൾ, ജനറേറ്റർ സെറ്റുകൾ, അവശ്യ മരുന്നുകൾ തുടങ്ങിയവയാണ് അയച്ചിരിക്കുന്നത്.

തായ്ലൻഡിലെ ഇന്ത്യൻ എംബസി ഹെൽപ് ലൈൻ നേരത്തെ തുറന്നിരുന്നു. തായ്ലൻഡിൽ ഉള്ള ഇന്ത്യൻ പൗരന്മാർക്ക് അടിയന്തിര സാഹചര്യങ്ങളിൽ +66 618819218 എന്ന നമ്പറിൽ ബന്ധപ്പെടാമെന്ന് എംബസി അറിയിച്ചു. അമേരിക്കൻ പ്രസിഡന്റ് ഡോണാൾഡ് ട്രംപ് ഉൾപ്പെടെ മ്യാൻമറിന് സഹായം എത്തിക്കുമെന്ന് അറിയിച്ചിട്ടുണ്ട്.

അതേസമയം ഭൂചലനത്തിൽ മ്യാൻമറിലും തായ്ലൻഡിലും 150 കടന്നാണു മരണം. ഇനിയും നിരവധി ആളുകൾ കെട്ടിടാവശിഷ്ടങ്ങൾക്കിടയിൽ കുടുങ്ങിയിരിക്കുന്നുവെന്ന് റിപ്പോർട്ട്. രാജ്യത്ത് വ്യാപക നാശനഷ്ടങ്ങളുണ്ടായി. പാലങ്ങളും കെട്ടിടങ്ങളും തകർന്നു. തായ്ലൻഡ് തലസ്ഥാനമായ ബാങ്കോക്കിലും വൻ നാശനഷ്ടങ്ങളുണ്ടായി. ഇരു രാജ്യങ്ങളിലുമുള്ള സർക്കാറുകൾ അടിയന്തരാവസ്ഥ പ്രഖ്യാപിച്ചു.