Actor Bala | ഇതാ, ഓജസും തേജസുമുള്ള പഴയ ബാല; ജയിക്കാൻ കഴിയാതെ പോയത് സ്നേഹത്തിനു മുന്നിൽ മാത്രമെന്ന് താരം

സുമുഖനും ആരോഗ്യദൃഢഗാത്രനുമായ ബാലയെ (Actor Bala) കാണാൻ എത്രയെത്ര ആരാധകർ ആഗ്രഹിച്ചിരിക്കും. അവരുടെ മുന്നിലേക്ക്‌ വന്ന ഏറെ വിഷമം നൽകുന്ന വാർത്തയായിരുന്നു ബാലയുടെ അനാരോഗ്യം. കരൾ മാറ്റിവയ്ക്കൽ ശസ്ത്രക്രിയ കഴിഞ്ഞ് ഓജസും തേജസുമുള്ള ആ പഴയ ബാല മടങ്ങിയെത്തിയിരിക്കുന്നു. സന്തോഷത്തോടെ, നന്ദിയോടെ ബാല ഏവരോടും സംസാരിച്ചു

രണ്ടു മാസങ്ങൾക്കു ശേഷം ബാല വീണ്ടും തന്റെ ഫേസ്ബുക്ക് പേജിൽ എത്തിച്ചേർന്നു. തനിക്കു വേണ്ടി പ്രാർത്ഥിച്ചവർക്ക് ഹൃദയത്തിന്റെ ഭാഷയിൽ അദ്ദേഹം നന്ദി പറഞ്ഞു, ചുറുചുറുക്കോടെ. വീട്ടിൽ നിന്നുമുള്ള വീഡിയോ ആണ് ബാല പോസ്റ്റ് ചെയ്തത് (തുടർന്ന് വായിക്കുക)

തന്റെ നാല്പതാം വയസ്സിൽ സംഭവിച്ച, ജീവിതത്തിന്റെ ഗതി മാറ്റിമറിച്ച കാലത്ത് തനിക്കുവേണ്ടി ലക്ഷക്കണക്കിന് ആൾക്കാർ പ്രാർത്ഥനയുമായി ഒപ്പമുണ്ടായിരുന്നു എന്ന് ബാല. അതിൽ നാനാ മതസ്ഥരുണ്ട്. അവർ ജാതിമത ഭേദമില്ലാതെ ബാലയ്ക്കു വേണ്ടി പ്രാർത്ഥനയുമായി ലോകത്തിന്റെ പല കോണുകളിൽ നിലകൊണ്ടു

ജയിക്കാൻ കഴിയാത്തതായി ജീവിതത്തിൽ ഒരു കാര്യം മാത്രമേയുള്ളൂ. അത് സ്നേഹമാണ്. അത് ഈ നാല്പതാം വയസിലാണ് മനസിലാക്കിയത്. തന്നെ സ്നേഹിക്കുന്നവർ ഇത്രയേറെ ഉണ്ട് എന്ന് മനസിലാക്കി. സമയം വലുതാണ്. ഏതു നിമിഷവും ഏതു മനുഷ്യനും എന്തും സംഭവിക്കാം. പക്ഷേ അതിനും മുകളിലാണ് ദൈവനിശ്ചയം

ഇനി ജീവിതത്തിലേക്കുള്ള മടക്കമാണ്. ചില സർപ്രൈസുകളുണ്ട്. സിനിമയിലേക്ക് ഉടനെ തന്നെ മടക്കമുണ്ടാവും എന്നും ബാല

ജീവിതത്തിലെ കഠിന പരീക്ഷയിൽ ബാലക്ക് താങ്ങും തണലുമായി ഒപ്പമുണ്ടായത് ഭാര്യ എലിസബത്ത് ഉദയനാണ്. രണ്ടാം വിവാഹവാർഷികം ആശുപത്രിയിൽ എങ്കിൽ, മൂന്നാം വിവാഹവാർഷികം ഭർത്താവുമൊത്ത് ഡാൻസ് ചെയ്ത് ആഘോഷമാക്കും എന്ന് എലിസബത്ത് ആത്മവിശ്വാസത്തോടെ പറഞ്ഞ വാക്കുകൾ പ്രേക്ഷകരും കേട്ടതാണ്

കൊച്ചിയിലെ ആശുപത്രിയിലായിരുന്നു ബാലയുടെ ശസ്ത്രക്രിയ. ബാല ക്രിട്ടിക്കൽ സ്റ്റേജ് പിന്നിട്ടു എന്ന് കുറച്ചു ദിവസങ്ങൾക്കു മുൻപ് എലിസബത്ത് അറിയിച്ചിരുന്നു. എലിസബത്തും അവരുടെ ഫേസ്ബുക്ക്, യൂട്യൂബ് പേജുകളിൽ സജീവമായി