Actor Bala | എലിസബത്തിനു വേണ്ടി ബാല ഉണ്ടാക്കിയ സ്‌പെഷൽ ഭക്ഷണം; സ്നേഹം വാരിച്ചൊരിഞ്ഞ്‌ ആരാധകരും

നടൻ ബാല (Actor Bala) ഒരു നല്ല അഭിനേതാവെന്ന് എല്ലാർക്കുമറിയാം. അതിന്റെ ഏറ്റവും ഒടുവിലത്തെ ഉദാഹരണമാണ് ഷെഫീക്കിന്റെ സന്തോഷം സിനിമയിലെ 'അമീറിക്ക' എന്ന കഥാപാത്രം. നീണ്ട ഇടവേളയ്‌ക്കു ശേഷമാണ് ബാല മലയാള സിനിമാ രംഗത്ത് മടങ്ങിവന്നത്. ഭാര്യ ഡോ: എലിസബത്ത് ഉദയനൊപ്പം (Elizabeth Udayan) ആദ്യ ദിവസം സിനിമ കാണാൻ വന്ന ബാലയെ ഏവരും സോഷ്യൽ മീഡിയയിലൂടെ കണ്ടിരുന്നു

ഇവർ പിരിഞ്ഞു എന്ന തരത്തിൽ വരെ വാർത്തകൾ പ്രചരിച്ചു കഴിഞ്ഞ വേളയിലാണ് ബാല എലിസബത്തിന്റെ കൈപിടിച്ച് ലോകത്തിനു മുന്നിലൂടെ നടന്നത്. തന്റെ എലിസബത്ത് തന്റേതു മാത്രം എന്ന് പറഞ്ഞ് ഒരു വീഡിയോ പോസ്റ്റ് ചെയ്താണ് ബാല പ്രിയതമയെ വീണ്ടും തന്റെ പോസ്റ്റുകളിലേക്ക് ക്ഷണിച്ചത്. ഇപ്പോഴിതാ ഭാര്യക്ക് ബാല രുചികരമായ ഭക്ഷണം തയാറാക്കി നൽകിയിരിക്കുന്നു (തുടർന്ന് വായിക്കുക)

വിഭവം ഒരു പ്ളേറ്റിലാക്കി മേശപ്പുറത്തു നിരത്തിയ ശേഷം ബാല എലിസബത്തിനെ വീഡിയോയിലേക്ക് ക്ഷണിച്ചു. ഭക്ഷണം കൈകൊണ്ടു എടുക്കാൻ പോലും എലിസബത്തിനെ അനുവദിക്കാതെ, ബാല ബ്രെഡിനുള്ളിൽ പൊതിഞ്ഞ് അത് എലിസബത്തിനു നേരെ നീട്ടി

പിന്നെ ഭാര്യയെ ചേർത്തുപിടിച്ച് അത് രുചിക്കാൻ നൽകി. ഭക്ഷണം എങ്ങനെയുണ്ട് എന്ന് ചോദിച്ചപ്പോൾ 'അടിപൊളി' എന്ന് എലിസബത്ത് സർട്ടിഫിക്കറ്റ് നൽകുക കൂടിയായതും സംഗതി കെങ്കേമം. എന്താണ് ബാല തയാറാക്കിയത് എന്നറിയേണ്ടേ?

ബ്രെഡിനൊപ്പം ബാല വിളമ്പിയ വിഭവം ചിക്കനോ മഞ്ചൂരിയനോ അല്ല. ഇച്ചിരി വറുപൊരി ഭക്ഷണം ഇഷ്‌ടപ്പെടുന്ന നോൺ-വെജ് പ്രിയർക്കു കാര്യം എളുപ്പം പിടികിട്ടിയിരിക്കും

ബ്രെയ്‌ൻ ഫ്രൈ ആണ് ബാലയുടെ പ്ലെയ്റ്റിൽ. പെപ്പർ ബ്രെയ്‌ൻ ഫ്രൈ എന്നാണ് വിഭവത്തിന്റെ പേര് എന്ന് ബാല പ്രത്യേകം പരാമർശിക്കുന്നു. എന്തായാലും നല്ലൊരു കുക്ക് ആണ് താനെന്നു ബാല ഒരിക്കൽക്കൂടി തെളിയിച്ചു

മുൻപും ബാല ചെറിയ രീതിയിൽ പാചകം പരീക്ഷിച്ചിട്ടുണ്ട്. രാവിലെ എഴുന്നേറ്റ് നൂഡിൽസ് ഉണ്ടാക്കി വീഡിയോ പോസ്റ്റ് ചെയ്തത് ആരാധകർ മറക്കാൻ സാധ്യതയില്ല

ബാല സിനിമയിൽ എന്ന പോലെ എലിസബത്തും ഇപ്പോൾ തിരക്കിലാണ്. ഡോക്ടർ ആയി ആശുപത്രിയിൽ ജോലിയെടുക്കുകയാണ് എലിസബത്ത്. അടുത്തിടെ തന്റെ യൂട്യൂബ് ചാനലിലും എലിസബത്ത് സജീവമായിരുന്നു