'എല്ലാവര്‍ക്കും കൊടുക്കുന്നുണ്ടല്ലോ, എന്നാ പിന്നെ എനിക്കും'; ആരാധകരെ നിരാശപ്പെടുത്താതെ ഭാവന

മലയാളികളുടെ പ്രിയ താരമാണ് ഭാവന. നമ്മള്‍ എന്ന സിനിമയിലൂടെ വെള്ളിത്തിരയിലേക്ക് എത്തിയ നടി പിന്നീട് ആരാധകരുടെ മനസ്സ് കീഴടക്കുന്ന കാഴ്ചയാണ് കണ്ടത്. താരത്തിന്റെ മറ്റ് ഭാഷകളിലുള്ള അഭിനയവും മലയാളികൾ എന്നും സ്വീകരിച്ചിരുന്നു.

സമൂഹ മാധ്യമത്തിലും താരം സജീവമാണ്. താരത്തിന്റെ മിക്ക് ഫോട്ടോകളും താരം ആരാധകരുമായി പങ്കുവയ്ക്കാറുണ്ട്. അങ്ങനെ ഒരു സോഷ്യല്‍ മീഡിയ പോസ്റ്റും സംവദിക്കലുമാണ് ഇപ്പോള്‍ വൈറലാവുന്നത്.

താരം ഷോപിങ് നടത്തുന്നതിന്റെ ചിത്രമാണ് പങ്കുവച്ചിരിക്കുന്നത്. ഷോപ്പിങ് ചെയ്യാന്‍ വളരെ ഇഷ്ടമുള്ള ആളാണ് താന്‍ എന്ന് ചില അഭിമുഖങ്ങളിലൊക്കെ ഭാവന തുറന്ന് പറഞ്ഞിട്ടുണ്ട്. ഷോപ്പിങ് തനിക്ക് എത്രത്തോളം സന്തോഷം തരുന്നുണ്ട് എന്നും ഭാവന പുതിയ ഇന്‍സ്റ്റഗ്രാം പോസ്റ്റില്‍ വ്യക്തമാക്കുന്നു.

'പണം സന്തോഷം നല്‍കുന്നില്ല എന്നാര് പറഞ്ഞു, എവിടെയാണ് ഷോപ്പ് ചെയ്യേണ്ടത് എന്നറിയാത്ത അവസ്ഥയാണ്' എന്നാണ് ചിത്രങ്ങള്‍ക്ക് താഴെ ഭാവന കുറിച്ചിരിക്കുന്നത്. ചിത്രം കണ്ട് എല്ലാവരും താരത്തിന്റെ പോസ്റ്റിനു ലൈക്കും കമന്റുമായി എത്തി.

എന്നാൽ ആരും ഷോപ്പിങിനെ കുറിച്ച് ചോദിച്ചായിരുന്നില്ല കമന്റിട്ടത്, ഒരു ഹായ് തരുമോ എന്ന് ചോദിച്ചാണ്. എന്നാൽ ആരാധകരെ നിരാശപ്പെടുത്താൻ താരത്തിനു ഭാവമില്ലെന്നാണ് കമന്റിൽ വ്യക്തമാകുന്നത്.

ഒരു ഹായ് തരുമോ എന്ന് ചോദിച്ചാണ് മിക്കവരും എത്തിയിരിക്കുന്നത് ഇത് കണ്ട താരം എല്ലാവര്‍ക്കും ഹായി കൊടുത്തു. 'എല്ലാവര്‍ക്കും കൊടുക്കുന്നുണ്ടല്ലോ, എന്നാല്‍ പിന്നെ എനിക്കും' എന്നൊക്കെ പറഞ്ഞാണ് ചിലര്‍ എത്തുന്നത്.

സ്‌നേഹം അറിയിച്ചവര്‍ക്കും, സന്തോഷം ആശംസിച്ചവര്‍ക്കുമെല്ലാം മറുപടി നൽകാൻ താരം മറന്നില്ല. ചിത്രം പങ്കുവച്ച് ഒരു മണിക്കൂറുളം എല്ലാവരോടും പ്രതികരിക്കുന്നുണ്ടായിരുന്നു.