നാട്ടിലെ ഉത്സവപറമ്പിൽ നിലത്തിരുന്ന് നാടകം കണ്ട് അനുശ്രീ ; ചിത്രങ്ങൾ വൈറൽ

മലയാളികളുടെ പ്രിയ താരമാണ് അനുശ്രീ (Anusree).ഡയമണ്ട് നെക്‌ളേസ്‌ (Diamond Necklace) എന്ന ഒറ്റ ചിത്രത്തിലൂടെ മലയാളി സിനിമ പ്രേമികളുടെ മനസ്സിൽ സഥാനം പിടിക്കാൻ താരത്തിനു സാധിച്ചു.

എന്നും താരത്തിന്റെ വിശേഷങ്ങൾ സോഷ്യൽ മീഡിയയിൽ ചർച്ചയാകാറുണ്ട്. ഇപ്പോഴിതാ അത്തരത്തിലുള്ള ഒരു ചിത്രമാണ് സോഷ്യൽ മീഡിയയിൽ‌ വൈറലാകുന്നത്. വീടിനു അടുത്തുള്ള ക്ഷേത്രത്തിലെ ഉത്സവ കാഴ്ചകൾ കാണുന്ന ചിത്രമാണ് വൈറലായി മാറിയത്.

കമുകുംചേരി ഉത്സവത്തിൽ പങ്കെടുത്ത താരം നിലത്തിരുന്ന് ഉത്സവക്കാഴ്ചകൾ കാണുന്ന ചിത്രമാണ് സോഷ്യൽ മീഡിയയിൽ വൈറലായത്.

നാട്ടുകാർക്കൊപ്പം നിലത്തിരുന്ന് നാടകം ആസ്വദിക്കുകയാണ് താരം. സുരേഷ് കുന്നകോട് പകർത്തിയ ചിത്രങ്ങളാണിത്.

നാട്ടിലെത്തിയാൽ തന്റെ താരപരിവേഷം പൂർണമായും അഴിച്ചുവക്കുന്ന താരം ഉത്സവങ്ങളിലും ക്ഷേത്ര പരിപാടികളിലും നിറസാന്നിധ്യമാണ്. ഇത്തരത്തിൽ പരിപാടികളിൽ പങ്കെടുക്കുന്ന താരത്തിന്റെ ചിത്രങ്ങൾ സമൂഹമാദ്ധ്യമങ്ങളിൽ വൈറലാകാറുണ്ട്.

ചിത്രങ്ങൾ വൈറലായതോടെ നിരവധി പേരാണ് കമന്റുകളുമായി എത്തിയിരിക്കുന്നത്. നാട്ടിലെ ശ്രീകൃഷ്ണ ജയന്തി ആഘോഷങ്ങൾക്കെല്ലാം താരം സജീവമാണ്.

കള്ളനും ഭഗവതിയുമാണ് താരത്തിന്റെ ഒടുവിലിറങ്ങിയ ചിത്രം. ബിജു മേനോൻ–ആസിഫ് അലി ചിത്രം ‘തലവൻ’ ആണ് നടിയുടെ പുതിയ റിലീസ്.