Weekly Horoscope Dec 29 to Jan 4 | വെല്ലുവിളികൾ ഉണ്ടാകും; ജോലിയിൽ അംഗീകാരം ലഭിക്കും: വാരഫലം അറിയാം

ഈ ആഴ്ച പല രാശിക്കാർക്കും പോസിറ്റീവ് ആയ മാറ്റങ്ങളുടെയും പുതിയ തുടക്കങ്ങളുടെയും സമയമാണ്.  മേടം, ഇടവം, കർക്കിടകം, തുലാം, ധനു, കുംഭം, മീനം ഈ രാശിക്കാർക്ക് കരിയറിൽ മികച്ച പുരോഗതിയും പഴയകാല പ്രശ്നങ്ങൾക്ക് പരിഹാരവും പ്രതീക്ഷിക്കാം. ജോലിയിൽ അംഗീകാരം, ആത്മീയമായ വളർച്ച, യാത്രകൾ എന്നിവയ്ക്ക് സാധ്യതയുണ്ട്. പ്രണയബന്ധങ്ങളിലും സൗഹൃദങ്ങളിലും കൂടുതൽ പിന്തുണയും സന്തോഷവും അനുഭവപ്പെടും. മിഥുനം, ചിങ്ങം, കന്നി, വൃശ്ചികം, മകരം ഈ രാശിക്കാർ ഈ ആഴ്ച അല്പം ജാഗ്രത പാലിക്കേണ്ടതുണ്ട്. തൊഴിലിടത്തിലെ സമ്മർദ്ദം ഒഴിവാക്കാൻ കൃത്യമായ സമയക്രമീകരണം  ശീലമാക്കുക. പണമിടപാടുകളിൽ റിസ്ക് എടുക്കാതിരിക്കുക. വൈകാരികമായ തീരുമാനങ്ങൾ ഒഴിവാക്കി പ്രായോഗികമായി ചിന്തിക്കുക. സംസാരത്തിൽ മിതത്വം പാലിക്കുന്നത് ബന്ധങ്ങളിലെ സമാധാനം നിലനിർത്താൻ സഹായിക്കും.  മികച്ച ആശയവിനിമയവും മാനസികമായ സന്തുലിതാവസ്ഥയും നിലനിർത്തുന്നതിലൂടെ വെല്ലുവിളികളെ വളർച്ചയ്ക്കുള്ള അവസരങ്ങളാക്കി മാറ്റാൻ എല്ലാവർക്കും സാധിക്കുന്ന ഒരു വാരമാണിത്.

ഏരീസ് (Arise - മേടം രാശി) മാർച്ച് 21നും ഏപ്രിൽ 19 നും ഇടയിൽ ജനിച്ചവർ: ഈ ആഴ്ച മേടം രാശിക്കാർക്ക് ജീവിതത്തിൽ പുതിയ അവസരങ്ങളുടെ വാതിലുകൾ തുറക്കുന്ന സമയമാണ്. കഴിഞ്ഞ കുറച്ചു കാലമായി പരിശ്രമിച്ചിട്ടും ലഭിക്കാതിരുന്ന വിജയങ്ങൾ ഈ ആഴ്ച മുതൽ നിങ്ങളെ തേടിയെത്തും. തടസ്സപ്പെട്ടു കിടന്ന ജോലികൾ വേഗത്തിൽ പൂർത്തിയാകും. ജീവിതത്തിന്റെ എല്ലാ മേഖലകളിലും ഭാഗ്യം കൂടെയുണ്ടാകും. ഉദ്യോഗസ്ഥർക്ക് തൊഴിലിടത്തിൽ അനുകൂലമായ സാഹചര്യമായിരിക്കും. മുതിർന്ന ഉദ്യോഗസ്ഥരുടെ പൂർണ്ണ പിന്തുണ ലഭിക്കും. ആഴ്ചയുടെ രണ്ടാം പകുതിയിൽ പ്രത്യേക അംഗീകാരങ്ങളോ ബഹുമതികളോ നിങ്ങളെ തേടിയെത്തിയേക്കാം. വിദ്യാർത്ഥികൾക്ക് ഈ ആഴ്ച സന്തോഷത്തിന്റേതാണ്. മത്സരപരീക്ഷകൾക്കും മറ്റും തയ്യാറെടുക്കുന്നവർക്ക് തങ്ങളുടെ കഠിനാധ്വാനത്തിന്റെ പൂർണ്ണഫലം ലഭിക്കും. ബിസിനസ് വിപുലീകരിക്കാനുള്ള പദ്ധതികൾ യാഥാർത്ഥ്യമാകും. മുരടിച്ചുനിന്ന ബിസിനസ് വീണ്ടും വേഗത കൈവരിക്കും. കുടുംബാംഗങ്ങളുടെയും സുഹൃത്തുക്കളുടെയും പൂർണ്ണ സഹകരണം ഈ ആഴ്ചയിലുടനീളം ഉണ്ടാകും. പ്രണയബന്ധങ്ങൾ കൂടുതൽ ദൃഢമാവുകയും ദാമ്പത്യ ജീവിതത്തിൽ സന്തോഷം നിലനിൽക്കുകയും ചെയ്യും. ഭാഗ്യ നിറം: പിങ്ക് ഭാഗ്യ സംഖ്യാ: 10

ടോറസ് (Taurus - ഇടവം രാശി): ഏപ്രിൽ 20നും മേയ് 20നും ഇടയിൽ ജനിച്ചവർ: ഈ ആഴ്ച ഇടവം രാശിക്കാർക്ക് ഭാഗ്യനിർഭരമായ ഒന്നായിരിക്കും. ഊർജ്ജസ്വലതയോടെ കാര്യങ്ങൾ പൂർത്തിയാക്കാൻ നിങ്ങൾക്ക് സാധിക്കും. ഈ ആഴ്ച നിങ്ങളിൽ അത്ഭുതകരമായ ഊർജ്ജവും ആവേശവും പ്രകടമാകും. നിങ്ങളുടെ കഠിനാധ്വാനവും പരിശ്രമങ്ങളും വിജയത്തിലെത്തും. ഉദ്ദേശിച്ച കാര്യങ്ങൾ കൃത്യസമയത്ത് നടക്കുന്നത് മനസ്സിന് സന്തോഷം നൽകും. കരിയറിലോ ബിസിനസ്സിലോ പ്രധാന തീരുമാനങ്ങൾ എടുക്കുമ്പോൾ വികാരങ്ങൾക്ക് അടിമപ്പെടാതിരിക്കാൻ ശ്രദ്ധിക്കുക. ആശയക്കുഴപ്പങ്ങൾ ഉള്ളപ്പോൾ തീരുമാനങ്ങൾ എടുക്കുന്നത് ലാഭത്തെ ബാധിച്ചേക്കാം. പ്രായോഗികമായി ചിന്തിക്കുന്നത് ഗുണം ചെയ്യും.  കുടുംബപരമായ കാര്യങ്ങളിൽ നിങ്ങൾ എടുക്കുന്ന തീരുമാനങ്ങൾ വിജയകരമാകും. കുടുംബാംഗങ്ങളുടെ പ്രശംസ പിടിച്ചുപറ്റാൻ നിങ്ങൾക്ക് സാധിക്കും. എന്നാൽ, വികാരാധീനനായി പിന്നീട് പാലിക്കാൻ ബുദ്ധിമുട്ടുള്ള വാഗ്ദാനങ്ങൾ നൽകാതിരിക്കാൻ പ്രത്യേകം ശ്രദ്ധിക്കണം. ആഴ്ചയുടെ രണ്ടാം പകുതി രാഷ്ട്രീയക്കാർക്കും സാമൂഹിക പ്രവർത്തകർക്കും സവിശേഷമാണ്. സമൂഹത്തിൽ നിങ്ങളുടെ സ്വാധീനവും ബഹുമാനവും വർദ്ധിക്കും. വീട്ടമ്മമാർ ഈ ആഴ്ച കൂടുതൽ സമയം മതപരമോ ആത്മീയമോ ആയ കാര്യങ്ങൾക്കായി ചെലവഴിക്കാൻ സാധ്യതയുണ്ട്. ഭാഗ്യ നിറം: കറുപ്പ്  ഭാഗ്യ സംഖ്യാ: 1

ജെമിനി (Gemini - മിഥുനം രാശി: മെയ് 21 നും ജൂൺ 21 നും ഇടയിൽ ജനിച്ചവർ: മിഥുനം രാശിക്കാർക്ക് ഈ ആഴ്ച മിശ്രഫലങ്ങളാണ് ലഭിക്കുക. ആഗ്രഹിച്ച വിജയം കൈവരിക്കാൻ സംസാരത്തിലും പെരുമാറ്റത്തിലും മിതത്വം പാലിക്കേണ്ടത് അത്യാവശ്യമാണ്. നിങ്ങളുടെ വാക്കുകളും പെരുമാറ്റവും നിയന്ത്രിക്കുന്നത് വഴി പല പ്രശ്നങ്ങളും ഒഴിവാക്കാൻ സാധിക്കും. ഈ ആഴ്ചയിൽ ജീവിതത്തിൽ ഉയർച്ച താഴ്ചകൾ ഉണ്ടാകാൻ സാധ്യതയുള്ളതിനാൽ സമയവും പണവും ഊർജ്ജവും തുടക്കം മുതലേ കൃത്യമായി വിനിയോഗിക്കുക. ഉദ്യോഗസ്ഥർക്ക് ജോലിസ്ഥലത്ത് അധിക ഉത്തരവാദിത്തങ്ങൾ ലഭിക്കാൻ സാധ്യതയുണ്ട്. ഇത് ഭംഗിയായി പൂർത്തിയാക്കാൻ കൂടുതൽ കഠിനാധ്വാനം ആവശ്യമായി വരും. രഹസ്യ ശത്രുക്കളെക്കുറിച്ച് ബോധവാന്മാരായിരിക്കുക. നിങ്ങളുടെ ജോലികൾ മറ്റാരെയും ഏൽപ്പിക്കാതെ നേരിട്ട് ചെയ്യാൻ ശ്രമിക്കുക. കുടുംബാംഗങ്ങളുമായുള്ള ബന്ധം വഷളാകാതിരിക്കാൻ അവരുമായി തുറന്നു സംസാരിക്കുക. അവരുടെ ആവശ്യങ്ങളും പ്രതീക്ഷകളും കണ്ടില്ലെന്ന് നടിക്കരുത്; ഇത് അകൽച്ച വർദ്ധിപ്പിക്കാൻ കാരണമാകും. പ്രണയബന്ധങ്ങളിൽ ആഡംബരമോ അനാവശ്യമായ പ്രദർശനങ്ങളോ ഒഴിവാക്കുക. മാന്യത നിലനിർത്താൻ ശ്രദ്ധിക്കണം, അല്ലാത്തപക്ഷം അനാവശ്യമായ മാനസിക വിഷമങ്ങൾ ഉണ്ടായേക്കാം. ഭാഗ്യ നിറം: ചുവപ്പ്  ഭാഗ്യസംഖ്യാ: 15

കാൻസർ (Cancer -കർക്കിടകം രാശി) ജൂൺ 22നും ജൂലൈ 22നും ഇടയിൽ ജനിച്ചവർ: ഈ ആഴ്ച കർക്കിടകം രാശിക്കാർക്ക് വളരെയധികം ഭാഗ്യം നിറഞ്ഞതാണ്. ആഗ്രഹിച്ച പുരോഗതിയും സന്തോഷവും നിങ്ങളെ തേടിയെത്തും. കരിയറിൽ നിങ്ങൾ ആഗ്രഹിച്ച രീതിയിലുള്ള പുരോഗതിയും ബിസിനസ്സിൽ മികച്ച ലാഭവും ഈ ആഴ്ച ലഭിക്കും. വിദേശ രാജ്യങ്ങളുമായി ബന്ധപ്പെട്ട് ബിസിനസ് ചെയ്യുന്നവർക്ക് പ്രത്യേക നേട്ടങ്ങൾ ഉണ്ടാകും. ഏറെ നാളായുള്ള പ്രമോഷൻ അല്ലെങ്കിൽ ജോലി മാറ്റം എന്ന ആഗ്രഹം ഈ ആഴ്ച സഫലമാകും. വീട്, സ്ഥലം, വാഹനം എന്നിവ വാങ്ങാൻ ശ്രമിക്കുന്നവർക്ക് ഈ ആഴ്ച അനുകൂലമാണ്. കുടുംബ സ്വത്തുമായി ബന്ധപ്പെട്ട തർക്കങ്ങൾ പരിഹരിക്കപ്പെടും. ആഡംബര വസ്തുക്കൾ സ്വന്തമാക്കാൻ സാധ്യതയുണ്ട്. കരിയർ സംബന്ധമായ യാത്രകൾ ഈ ആഴ്ചയിൽ ഗുണകരമായി ഭവിക്കും. കുടുംബത്തിൽ മംഗളകർമ്മങ്ങൾ നടക്കാൻ സാധ്യതയുണ്ട്. പ്രിയപ്പെട്ടവരുമായി സമയം ചെലവഴിക്കാനും ദീർഘകാലത്തിന് ശേഷം സുഹൃത്തുക്കളെ കാണാനും സാധിക്കും. അവിവാഹിതർക്ക് വിവാഹാലോചനകളിൽ തീരുമാനമാകും. പ്രണയബന്ധങ്ങളിൽ നിങ്ങൾ ആഗ്രഹിച്ച വ്യക്തി ജീവിതത്തിലേക്ക് കടന്നുവരാൻ സാധ്യതയുണ്ട്. മക്കളുമായി ബന്ധപ്പെട്ട ആശങ്കകൾക്ക് പരിഹാരമാകും. പങ്കാളിയുമായി സന്തോഷകരമായ നിമിഷങ്ങൾ പങ്കിടാൻ സാധിക്കും. പങ്കാളിയുടെ വീട്ടുകാരിൽ നിന്നും പ്രത്യേക പിന്തുണ ലഭിക്കും. ഭാഗ്യ നിറം: പർപ്പിൾ  ഭാഗ്യ സംഖ്യാ: 6

ലിയോ (Leo - ചിങ്ങം രാശി) ജൂലൈ 23നും ആഗസ്റ്റ് 22 നും ഇടയിൽ ജനിച്ചവർ: ചിങ്ങം രാശിക്കാർ ഈ ആഴ്ച തങ്ങളുടെ ആരോഗ്യത്തിലും ബന്ധങ്ങളിലും അതീവ ശ്രദ്ധ പുലർത്തേണ്ടതുണ്ട്. വെല്ലുവിളികൾ നിറഞ്ഞ ഈ ആഴ്ചയുടെ തുടക്കത്തിൽ ബന്ധുക്കളുമായി അഭിപ്രായവ്യത്യാസങ്ങൾ ഉണ്ടാകാൻ സാധ്യതയുണ്ട്. ചെറിയ കാര്യങ്ങളെ വലിയ തർക്കങ്ങളാക്കി മാറ്റാതിരിക്കാൻ ശ്രദ്ധിക്കുക. ഭൂമി, സ്വത്ത് അല്ലെങ്കിൽ ബിസിനസ് സംബന്ധമായ തർക്കങ്ങൾ കോടതിയിലേക്ക് കൊണ്ടുപോകുന്നതിന് പകരം ചർച്ചകളിലൂടെ പരിഹരിക്കാൻ ശ്രമിക്കുന്നതാണ് ഉചിതം. ഉദ്യോഗസ്ഥർ ജോലിസ്ഥലത്തുള്ള രഹസ്യ ശത്രുക്കളെ സൂക്ഷിക്കണം. നിങ്ങളുടെ പ്രവർത്തനങ്ങളിൽ തടസ്സങ്ങൾ സൃഷ്ടിക്കാൻ അവർ ശ്രമിച്ചേക്കാം. സഹപ്രവർത്തകരുടെയോ എതിരാളികളുടെയോ ഗൂഢാലോചനകളിൽ വീഴാതെ ജാഗ്രത പാലിക്കുക. ബിസിനസ്സിൽ ഈ ആഴ്ച ഉയർച്ച താഴ്ചകൾ അനുഭവപ്പെടാം. നഷ്ടസാധ്യതയുള്ള പദ്ധതികളിൽ പണം നിക്ഷേപിക്കുന്നത് ഒഴിവാക്കുക. വിദ്യാർത്ഥികൾക്ക് പഠനത്തിൽ വിരസത അനുഭവപ്പെടാൻ സാധ്യതയുള്ള വാരമാണിത്. ഏകാഗ്രത നിലനിർത്താൻ ശ്രമിക്കുക. ശാരീരികമായ അസ്വസ്ഥതകൾ അവഗണിക്കരുത്. ഇത് മാനസികവും ശാരീരികവുമായ കൂടുതൽ ബുദ്ധിമുട്ടുകളിലേക്ക് നയിച്ചേക്കാം. ഭക്ഷണരീതിയിലും ദിനചര്യയിലും കൃത്യത പാലിക്കുക. അല്ലാത്തപക്ഷം ഉദരസംബന്ധമായ പ്രശ്നങ്ങൾ ഉണ്ടായേക്കാം. നിങ്ങളുടെ പ്രണയജീവിതം സന്തോഷകരമാക്കാൻ പങ്കാളിയുടെ വികാരങ്ങളെ മാനിക്കുക. അവർക്ക് ആവശ്യമായ പരിഗണന നൽകുന്നത് ബന്ധം മെച്ചപ്പെടുത്താൻ സഹായിക്കും. ഭാഗ്യ നിറം: വെള്ള  ഭാഗ്യ സംഖ്യാ: 2

വിർഗോ (Virgo) (കന്നി രാശി)ആഗസ്റ്റ് 23നും സെപ്റ്റംബർ 22നും ഇടയിൽ ജനിച്ചവർ: കന്നി രാശിക്കാർ ഈ ആഴ്ച ഒരു ജോലിയും പകുതി മനസ്സോടെ ചെയ്യരുത്. പൂർണ്ണമായ ശ്രദ്ധ നൽകിയില്ലെങ്കിൽ ചെയ്തുകൊണ്ടിരിക്കുന്ന കാര്യങ്ങൾ പോലും വഷളാകാൻ സാധ്യതയുണ്ട്. സാമ്പത്തിക ബുദ്ധിമുട്ടുകൾ ഒഴിവാക്കാനും വിജയം ഉറപ്പാക്കാനും ആഴ്ചയുടെ തുടക്കം മുതൽ തന്നെ പണവും സമയവും കൃത്യമായി പ്ലാൻ ചെയ്യുക. ഒരു കാര്യത്തിലും കുറുക്കുവഴികൾ  സ്വീകരിക്കാതിരിക്കുക. നിയമങ്ങളും നിബന്ധനകളും ലംഘിക്കുന്നത് അനാവശ്യമായ പ്രശ്നങ്ങളിൽ ചെന്നുചാടാൻ കാരണമാകും. ആഴ്ചയുടെ രണ്ടാം പകുതിയിൽ ജോലിയുമായി ബന്ധപ്പെട്ട് ജന്മനാട്ടിൽ നിന്നും മാറി യാത്ര ചെയ്യേണ്ടി വന്നേക്കാം. ഈ യാത്ര സന്തോഷകരമായിരിക്കും. പുതിയ ബന്ധങ്ങൾ സ്ഥാപിക്കാൻ സഹായിക്കും. കരിയറിനൊപ്പം തന്നെ കുടുംബത്തിലെ പ്രിയപ്പെട്ടവരുമായി ബന്ധപ്പെട്ട ചില പ്രശ്നങ്ങളും നിങ്ങളെ അലട്ടിയേക്കാം. കാര്യങ്ങൾ സുഗമമായി മുന്നോട്ട് കൊണ്ടുപോകാൻ ഇടപാടുകളിൽ സുതാര്യത പുലർത്തുക. ദാമ്പത്യ ജീവിതത്തിലെ അസ്വാരസ്യങ്ങൾ ഒഴിവാക്കാൻ അനാവശ്യമായ തർക്കങ്ങളിൽ നിന്ന് വിട്ടുനിൽക്കുക. പങ്കാളിയുമായി തുറന്നു സംസാരിക്കുന്നത് വഴി സമാധാനം നിലനിർത്താം. ഭാഗ്യ നിറം: ഗ്രേ  ഭാഗ്യ സംഖ്യാ: 11

ലിബ്ര (Libra - തുലാം രാശി): സെപ്റ്റംബർ 23നും ഒക്ടോബർ 23നും ഇടയിൽ ജനിച്ചവർ: ഈ ആഴ്ച തുലാം രാശിക്കാർക്ക് അതീവ ശുഭകരവും ഗുണപ്രദവുമാണ്. ഏറെ നാളായി നിങ്ങളെ അലട്ടിക്കൊണ്ടിരുന്ന വലിയൊരു പ്രശ്നത്തിന് ഈ ആഴ്ച പരിഹാരമുണ്ടാകും. തൊഴിലിലും ബിസിനസ്സിലും നിങ്ങൾ ആഗ്രഹിച്ച വിജയം കൈവരിക്കും. വരുമാന സ്രോതസ്സുകൾ വർദ്ധിക്കുമെങ്കിലും അതിനോടൊപ്പം തന്നെ ചെലവുകളും കൂടാൻ സാധ്യതയുണ്ട്. ഉദ്യോഗസ്ഥർക്ക് സ്ഥാനമാനങ്ങളും ഉത്തരവാദിത്തങ്ങളും വർദ്ധിക്കും. നിങ്ങളുടെ കീഴിൽ ജോലി ചെയ്യുന്നവരുടെ എണ്ണം കൂടിയേക്കാം. ആഴ്ചയുടെ തുടക്കത്തിൽ തന്നെ മക്കളെക്കുറിച്ച് നല്ല വാർത്തകൾ ലഭിക്കാൻ സാധ്യതയുണ്ട്. ഇത് സമൂഹത്തിൽ നിങ്ങളുടെ അന്തസ്സ് വർദ്ധിപ്പിക്കും. ദാമ്പത്യ ജീവിതം അതീവ സന്തോഷകരമായി മുന്നോട്ട് പോകും.  രാഷ്ട്രീയത്തിലോ സാമൂഹിക സേവനത്തിലോ ഉള്ളവർക്ക് ജനപ്രീതി വർദ്ധിക്കും. ഇതിന്റെ ഗുണഫലങ്ങൾ ഭാവിയിൽ നിങ്ങളെ തേടിയെത്തും.  ആഴ്ചയുടെ രണ്ടാം പകുതി വിനോദങ്ങൾക്കും ആഘോഷങ്ങൾക്കുമായി നീക്കിവെക്കും. യുവാക്കൾ സുഹൃത്തുക്കളോടൊപ്പം പിക്നിക്കിനോ യാത്രകൾക്കോ പോകാൻ സാധ്യതയുണ്ട്. പ്രണയബന്ധങ്ങളിൽ അനുകൂലമായ സാഹചര്യമായിരിക്കും. പങ്കാളിയുമൊത്ത് കൂടുതൽ സമയം ചെലവഴിക്കാനും പ്രണയാതുരമായ നിമിഷങ്ങൾ ആസ്വദിക്കാനും സാധിക്കും. ഭാഗ്യ നിറം: മെറൂൺ ഭാഗ്യ സംഖ്യാ: 12

സ്‌കോർപിയോ (Scorpio - വൃശ്ചിക രാശി) ഒക്ടോബർ 24നും നവംബർ 21നും ഇടയിൽ ജനിച്ചവർ: ചെറിയ പ്രശ്നങ്ങളെ അവഗണിച്ചാൽ വൃശ്ചികം രാശിക്കാർക്ക് ഈ ആഴ്ച അതീവ ശുഭകരമായിരിക്കും. ഗുണകാംക്ഷികളുടെ സഹായത്തോടെ നിങ്ങളുടെ പദ്ധതികൾ കൃത്യസമയത്ത് പൂർത്തിയാക്കാൻ സാധിക്കും. നിങ്ങളുടെ കഠിനാധ്വാനത്തിന് അർഹമായ ഫലം ഈ ആഴ്ച ലഭിക്കും. ബിസിനസ്സിൽ ഏർപ്പെട്ടിരിക്കുന്നവർക്ക് ധീരമായ തീരുമാനങ്ങൾ എടുക്കാൻ സാധിക്കുന്ന സമയമാണിത്. ബിസിനസ് പുതിയ ഉയരങ്ങളിലെത്തിക്കാൻ നിങ്ങൾ പരമാവധി പരിശ്രമിക്കും. ആഴ്ചാവസാനത്തോടെ ഒരു വലിയ ബിസിനസ് കരാറിൽ ഒപ്പിടാൻ സാധ്യതയുണ്ട്. എന്നാൽ അത്തരം തീരുമാനങ്ങൾ എടുക്കുമ്പോൾ അഭ്യുദയകാംക്ഷികളുടെ ഉപദേശം തേടുന്നത് ഉചിതമായിരിക്കും. തൊഴിലിലും ബിസിനസ്സിലും ലാഭം ലഭിക്കുന്നതിനൊപ്പം നിങ്ങളുടെ പ്രശസ്തിയും ബഹുമാനവും വർദ്ധിക്കും. വൃശ്ചികം രാശിയിലുള്ള സ്ത്രീകൾ ഈ ആഴ്ച കൂടുതൽ സമയം ആത്മീയവും മതപരവുമായ കാര്യങ്ങൾക്കായി ചെലവഴിക്കും. ദാനധർമ്മങ്ങൾക്കും സൽപ്രവൃത്തികൾക്കും കൂടുതൽ താല്പര്യം കാണിക്കും. കുടുംബാംഗങ്ങൾക്കിടയിൽ പരസ്പര സ്നേഹവും ഐക്യവും നിലനിൽക്കും. ബന്ധുക്കളിൽ നിന്നും സുഹൃത്തുക്കളിൽ നിന്നും പൂർണ്ണ പിന്തുണയും സഹകരണവും പ്രതീക്ഷിക്കാം. പ്രണയജീവിതം സന്തോഷകരമായിരിക്കും. ഭാഗ്യ നിറം: നീല  ഭാഗ്യ സംഖ്യാ: 15

കാപ്രികോൺ (Capricorn -മകരം രാശി) ഡിസംബർ 22നും ജനുവരി 19നും ഇടയിൽ ജനിച്ചവർ: ഈ ആഴ്ച മകരം രാശിക്കാർ തർക്കങ്ങളിൽ നിന്നും അനാവശ്യ വിവാദങ്ങളിൽ നിന്നും വിട്ടുനിൽക്കുന്നതാണ് ഉചിതം. അല്പം ജാഗ്രത പാലിക്കേണ്ട ഈ ആഴ്ചയുടെ തുടക്കത്തിൽ ജോലിയുടെ അമിതഭാരം നിങ്ങളെ തേടിയെത്തിയേക്കാം. ഇത് പൂർത്തിയാക്കാൻ കഠിനാധ്വാനം ആവശ്യമായി വരും, ഇത് ചിലപ്പോൾ മാനസിക സമ്മർദ്ദത്തിന് കാരണമായേക്കാം. ജോലിസ്ഥലത്ത് ക്ഷമയോടെ ഇരിക്കുക. ബിസിനസ്സിൽ ഉയർച്ച താഴ്ചകൾ അനുഭവപ്പെടാൻ സാധ്യതയുണ്ട്. നിയമങ്ങളും നിബന്ധനകളും ഒരു കാരണവശാലും ലംഘിക്കരുത്. എല്ലാ രേഖകളും  കൃത്യമായി സൂക്ഷിക്കുക. അല്ലാത്തപക്ഷം അനാവശ്യമായ നിയമപ്രശ്നങ്ങളിൽ ചെന്നുചാടാൻ ഇടയുണ്ട്. ആഴ്ചയുടെ രണ്ടാം പകുതിയിൽ അനാവശ്യമായ ഓട്ടപ്പാച്ചിലുകൾ ഉണ്ടായേക്കാം. വിചാരിച്ച കാര്യങ്ങൾ നടക്കാത്തതിനാൽ ശരീരത്തിന് ക്ഷീണവും മനസ്സിന് നിരാശയും അനുഭവപ്പെട്ടേക്കാം. ചെറിയ പ്രശ്നങ്ങൾ അവഗണിക്കുന്നത് ബന്ധങ്ങൾ മെച്ചപ്പെടുത്താൻ സഹായിക്കും. ആഴ്ചയുടെ ആദ്യ പകുതിയിൽ പങ്കാളിയുമായോ അല്ലെങ്കിൽ പങ്കാളിയുടെ വീട്ടുകാരുമായോ അഭിപ്രായവ്യത്യാസങ്ങൾ ഉണ്ടാകാൻ സാധ്യതയുണ്ട്. പ്രണയബന്ധങ്ങളിൽ വളരെയധികം ശ്രദ്ധയോടെ മുന്നോട്ട് പോവുക. ആഡംബരങ്ങളോ അനാവശ്യമായ പ്രദർശനങ്ങളോ ഒഴിവാക്കി ലാളിത്യം നിലനിർത്താൻ ശ്രമിക്കുക. ഭാഗ്യ നിറം: ഓറഞ്ച് ഭാഗ്യ സംഖ്യാ: 3

അക്വാറിയസ് (Aquarius -കുംഭം രാശി) ജനുവരി 20നും ഫെബ്രുവരി 18നും ഇടയിൽ ജനിച്ചവർ: കുംഭം രാശിക്കാർക്ക് ഈ ആഴ്ച ചെറിയ കാര്യങ്ങൾക്കായി പോലും കൂടുതൽ ഓട്ടപ്പാച്ചിലുകൾ നടത്തേണ്ടി വരും. എങ്കിലും ബുദ്ധിപരമായ നീക്കങ്ങളിലൂടെ വിജയം കൈവരിക്കാൻ സാധിക്കും നിങ്ങൾ പ്ലാൻ ചെയ്ത കാര്യങ്ങൾ അല്പം സാവധാനമേ പൂർത്തിയാകൂ. ബുദ്ധിപരമായ നീക്കങ്ങളിലൂടെ എതിരാളികളെ പരാജയപ്പെടുത്താൻ സാധിക്കും. ബിസിനസ് പങ്കാളിയുമായുള്ള തർക്കങ്ങൾ ഒരു സുഹൃത്തിന്റെ സഹായത്തോടെ ചർച്ച ചെയ്ത് പരിഹരിക്കാൻ സാധിക്കും. ബിസിനസ്സിൽ നിർണ്ണായകമായ ഒരു തീരുമാനമെടുക്കാൻ ആഴ്ചയുടെ തുടക്കം അനുയോജ്യമാണ്. ആഴ്ചയുടെ രണ്ടാം പകുതിയിൽ സുഖസൗകര്യങ്ങൾക്കായി കൂടുതൽ പണം ചിലവാക്കാൻ സാധ്യതയുണ്ട്. ആഡംബര വസ്തുക്കൾ സ്വന്തമാക്കാൻ താല്പര്യം കാണിക്കും. അമ്മയുടെ കുടുംബത്തിൽ നിന്ന് നേട്ടങ്ങൾ ഉണ്ടാകാൻ സാധ്യതയുണ്ട്. കുടുംബ സ്വത്ത്  ലഭിക്കാനുള്ള യോഗമുണ്ട്.  അവിവാഹിതർക്ക് വിവാഹാലോചനകളിൽ തീരുമാനമാകും. ഏകാകികളായവർക്ക് ജീവിതത്തിലേക്ക് പുതിയൊരു പങ്കാളി കടന്നുവരാൻ സാധ്യതയുണ്ട്. വിവാഹിതർക്ക് കുടുംബത്തോടൊപ്പം സന്തോഷകരമായ സമയം ചെലവഴിക്കാൻ സാധിക്കും. ഈ ആഴ്ച ഭാഗ്യം നിങ്ങളെ തുണയ്ക്കും. നിങ്ങളുടെ ഉപദേശങ്ങളും നയങ്ങളും മറ്റുള്ളവരാൽ പ്രശംസിക്കപ്പെടുകയും സമൂഹത്തിൽ നിങ്ങളുടെ അന്തസ്സ് വർദ്ധിക്കുകയും ചെയ്യും. ഭാഗ്യ നിറം: തവിട്ട്  ഭാഗ്യ സംഖ്യാ: 4

പിസെസ് (Pisces- മീനം രാശി) ഫെബ്രുവരി 19 നും മാർച്ച് 20 നും ഇടയിൽ ജനിച്ചവർ:  മീനം രാശിക്കാർക്ക് ഈ ആഴ്ച കഠിനാധ്വാനത്തിന്റെ പൂർണ്ണഫലം ലഭിക്കുന്ന സുപ്രധാനമായ സമയമാണ്. ഈ ആഴ്ചയുടെ തുടക്കത്തിൽ തന്നെ ദൂരയാത്രകൾക്കോ ഹ്രസ്വയാത്രകൾക്കോ സാധ്യതയുണ്ട്. വിദേശ രാജ്യങ്ങളുമായി ബന്ധപ്പെട്ട ബിസിനസ് ചെയ്യുന്നവർക്കും വിദേശത്ത് കരിയർ ആഗ്രഹിക്കുന്നവർക്കും ഈ യാത്രകൾ വളരെയധികം ഗുണകരമാകും. ജോലിസ്ഥലത്ത് നിങ്ങളുടെ പ്രവർത്തനങ്ങളിൽ മേലുദ്യോഗസ്ഥർ അതീവ സംതൃപ്തരായിരിക്കും. മുതിർന്ന ഉദ്യോഗസ്ഥരിൽ  നിന്ന് പുതിയ കാര്യങ്ങൾ പഠിക്കാനും മനസ്സിലാക്കാനും അവസരം ലഭിക്കും. പ്രമോഷനും വരുമാന വർദ്ധനവിനും സാധ്യതയുള്ള വാരമാണിത്. വരുമാന സ്രോതസ്സുകൾ വർദ്ധിക്കുകയും സമ്പാദ്യം മെച്ചപ്പെടുകയും ചെയ്യും. ബിസിനസ്സിൽ മികച്ച ലാഭം പ്രതീക്ഷിക്കാം. കരിയറിലെ പുരോഗതിക്കൊപ്പം തന്നെ ആത്മീയ കാര്യങ്ങളിലും നിങ്ങൾക്ക് താല്പര്യം കൂടും. സാമൂഹിക സേവനങ്ങളിലും മതപരമായ പ്രവർത്തനങ്ങളിലും സജീവമായി ഏർപ്പെടും. ദാനധർമ്മങ്ങൾക്കായി സമയം കണ്ടെത്തും. കുടുംബാംഗങ്ങൾക്കിടയിൽ സ്നേഹവും ഐക്യവും നിലനിൽക്കും. ഒരു പ്രത്യേക കാര്യത്തിനായി സഹോദരങ്ങളിൽ നിന്ന് പൂർണ്ണ പിന്തുണയും സഹകരണവും ലഭിക്കും. പ്രണയബന്ധങ്ങൾ കൂടുതൽ ദൃഢമാകും. ഈ ആഴ്ച ആരോഗ്യനില സാധാരണ നിലയിലായിരിക്കും. വലിയ ബുദ്ധിമുട്ടുകൾ ഉണ്ടാകാൻ സാധ്യതയില്ല. ഭാഗ്യ നിറം: ക്രീം  ഭാഗ്യ സംഖ്യാ: 9