Aswathy Sreekanth | പഴയ കാർ എവിടെ? ഭർത്താവ് എന്ത്യേ? അശ്വതി ശ്രീകാന്തിന്റെ പുത്തൻ SUVയുടെ വീഡിയോയുടെ താഴെ അന്വേഷണവുമായി ആരാധകർ

നടിയും അവതാരകയുമായ അശ്വതി ശ്രീകാന്ത് (Aswathy Sreekanth) പുതിയ കാർ സ്വന്തമാക്കിയ വിശേഷവുമായി ഇൻസ്റ്റഗ്രാമിൽ. തന്റെ രണ്ടു മക്കൾക്കും സുഹൃത്തിന്റെ കുഞ്ഞിനുമൊപ്പമാണ് പുത്തൻ സ്കോഡ കാർ അശ്വതി വാങ്ങിയത്. SUV എന്ന സ്വപ്നം പൂവണിയാൻ വേണ്ടി താൻ നടത്തിയ കാത്തിരിപ്പുകളെക്കുറിച്ചും അശ്വതിയുടെ പോസ്റ്റിന്റെ ക്യാപ്‌ഷനിൽ പറയുന്നു

വെറുമൊരു കാർ എന്നതിനേക്കാൾ SUV തന്നെ വേണമെന്ന ആഗ്രഹത്തിലാണ് ഈ വാഹനം വാങ്ങിയത് എന്ന് അശ്വതി. ആദ്യ കാഴ്ചയിലെ പ്രണയം എന്നാണ് പുതിയ കാറിനെ കുറിച്ച് അശ്വതി വിശദമാക്കുന്നത്. പക്ഷെ കാർ വാങ്ങിയ സന്തോഷം മാറും മുൻപേ പലരും ചില ചോദ്യങ്ങളുമായി അശ്വതിയുടെ പോസ്റ്റിന്റെ കമന്റ് ബോക്സിൽ എത്തിച്ചേർന്നു (തുടർന്ന് വായിക്കുക)

അശ്വതിയുടെ കൂടെ, മക്കളുമായി സമയം ചിലവിടുന്നയാളാണ് അശ്വതിയുടെ ഭർത്താവ് ശ്രീകാന്ത്. പ്രത്യേകിച്ചും ഇളയമകൾ കമല പിറന്ന ശേഷം എല്ലാ ഉത്തരവാദിത്തങ്ങളിലും ശ്രീകാന്ത് ഒപ്പമുണ്ടായിരുന്നു. കുടുംബത്തിന്റെ വിശേഷങ്ങൾ അശ്വതി സ്ഥിരമായി ഇൻസ്റ്റഗ്രാമിൽ പോസ്റ്റ് ചെയ്യുന്ന കൂട്ടത്തിലുമാണ്

ഈ വർഷം ആരംഭിച്ച ശേഷം അശ്വതി കൂടുതലും അവരുടെ മക്കൾക്കൊപ്പമാണ്. ഒരു പുസ്തക പ്രകാശനവും നടന്നു കഴിഞ്ഞു. 'കാളി' എന്നാണ് അശ്വതിയുടെ രചനയ്ക്ക് പേര്

11 ലക്ഷത്തിനു മുകളിൽ പല ശ്രേണികളിലായാണ് അശ്വതി വാങ്ങിയ സ്കോഡ സ്ലാവിയ കാറിന്റെ വില. ഫീച്ചറുകൾ കൂടുന്നതനുസരിച്ച് വിലയും കയറും. അശ്വതിയുടെ കാറിന്റെ വില അവർ വ്യക്തമാക്കിയിട്ടില്ല. പഴയ കാർ എവിടെ എന്ന ചോദ്യത്തിന് മറുപടിയുണ്ട്

എന്തായാലും ആ പഴയ കാർ ഇപ്പോൾ അശ്വതിയുടെ കൂടെയില്ല. അത് കൊടുത്തു എന്ന് താരം മറുപടി നൽകി. മക്കൾ മൂന്നുപേരുണ്ടോ എന്ന ചോദ്യത്തിന് ഒരാൾ സുഹൃത്തിന്റെ കുട്ടിയാണ് എന്നും അശ്വതി പ്രതികരിച്ചു

പ്രണയിച്ചു വിവാഹിതരായവരാണ് അശ്വതിയും ഭർത്താവും. രണ്ടുപേരും വർഷങ്ങളോളം ദുബായിയിൽ ആർ.ജെ.മാർ ആയിരുന്നു. ഇവിടെ വച്ചാണ് മൂത്തമകൾ പത്മയുടെ പിറവിയും

ഹസ്ബൻഡ് എവിടെപ്പോയി എന്ന ചോദ്യത്തിനും അശ്വതി ശ്രീകാന്ത് കുറിക്കു കൊള്ളുന്ന ഉത്തരം നൽകി. ഇനി കൂടുതൽ ചിന്തിച്ചു പുകയ്ക്കേണ്ട കാര്യമില്ല. ദുബായിൽ ആയതിനാൽ ശ്രീകാന്തിന് കാർ വാങ്ങിയ വേളയിൽ എത്തിച്ചേരാൻ സാധിച്ചില്ല