Uthara Sharath | ഉത്തരയെ മഞ്ഞളിൽ കുളിപ്പിച്ച് വരൻ; ആശ ശരത്തിന്റെ മകളുടെ ഹൽദി ചടങ്ങിലെ രസകര നിമിഷങ്ങൾ

കെങ്കേമമായ വിവാഹ ചടങ്ങായിരുന്നു നടി ആശ ശരത്തിന്റെ (Asha Sharath) മകൾ ഉത്തരയുടേത് (Uthara Sharath). ആലുവയിലെ അഡ്‌ലക്സ് കൺവെൻഷൻ സെന്ററിൽ നടന്ന വിവാഹത്തിൽ മലയാള സിനിമയിലെ പ്രമുഖ താരങ്ങൾ പലരും പങ്കെടുത്തു. ആദിത്യ മേനോൻ ആണ് വരൻ. ആഘോഷപൂർവം നടത്തിയ വിവാഹത്തിന്റെ ഹൽദി ചടങ്ങുകളുടെ ചിത്രങ്ങളും ആശ പോസ്റ്റ് ചെയ്തു

ഉത്തരയുടെ തലയിലൂടെ വരൻ മഞ്ഞൾ വെള്ളം ഒഴിക്കുന്ന രസകരമായ നിമിഷം ഉൾപ്പെടെ ആശ ശരത് പോസ്റ്റ് ചെയ്ത ചിത്രങ്ങളിലുണ്ട്. ആശയുടെ മൂത്ത മകളാണ് ഉത്തര. ആദിത്യ മേനോൻ ചാർട്ടേഡ് അക്കൗണ്ടന്റ് ആണ് (തുടർന്ന് വായിക്കുക)

ഉത്തരയുടെ വിവാഹത്തിന് അച്ഛനും അമ്മയും സഹോദരിയും ഉൾപ്പെടെ നൃത്തം ചെയ്യുന്ന വീഡിയോ സോഷ്യൽ മീഡിയയിൽ ഏറെ ശ്രദ്ധ നേടിയിരുന്നു

കീർത്തനയാണ് ആശ - ശരത് ദമ്പതികളുടെ ഇളയ മകൾ. വിദേശത്ത് പഠനം നടത്തുകയാണ് കീർത്തന

ഉത്തര ഒരു സിനിമയിൽ ആശയ്ക്കൊപ്പം അഭിനയിച്ചിട്ടുണ്ട്. അമ്മയെപ്പോലെ തന്നെ ഒരു നർത്തകി കൂടിയാണ് മകൾ

'കുങ്കുമപ്പൂവ്' ടി.വി. സീരിയലിലെ പ്രൊഫസർ ജയന്തി എന്ന കഥാപാത്രമാണ് ആശ ശരത്തിന് ശ്രദ്ധ നേടിക്കൊടുത്തത്. ശേഷം ബിഗ് സ്ക്രീനിലും ആശ പ്രേക്ഷകപ്രീതി നേടി

ദിലീപ്, കാവ്യ മാധവൻ, ലാൽ, സിദ്ദിഖ്, അനുശ്രീ, മേജർ രവി, ദേവൻ, മനോജ് കെ. ജയൻ, ജോജു ജോർജ്ജ്, മിയ തുടങ്ങിയവർ വിവാഹത്തിന് പങ്കെടുത്തിരുന്നു

വിവാഹവുമായി ബന്ധപ്പെട്ട ഇവരുടെ പോസ്റ്റുകൾ എല്ലാം തന്നെ ശ്രദ്ധ നേടിയിരുന്നു. വിമാനത്താവളത്തിൽ ആദിത്യയെയും കുടുംബത്തെയും സ്വീകരിക്കാൻ ആശയും ഉത്തരയും കുടുംബസമേതം പോയിരുന്നു

2022 ഒക്ടോബർ മാസത്തിലായിരുന്നു ഉത്തരയുടെ വിവാഹനിശ്ചയം. ഇതിൽ മമ്മൂട്ടി, സുരേഷ് ഗോപി തുടങ്ങിയവർ പങ്കെടുത്തിരുന്നു

മകൾക്കും മരുമകനുമൊപ്പം ആശ ശരത്