'എന്നേക്കും സ്നേഹം'; വിവാഹവാർഷികദിനത്തിൽ സെയ്ഫ് അലി ഖാനുമായുള്ള ചിത്രം പങ്കിട്ട് കരീന കപൂർ

പതിനൊന്നാം വിവാഹ വാർഷികാഘോഷവുമായി ബോളീവുഡ് താരം കരീന കപൂറും സെയ്ഫ് അലി ഖാനും. 2012-ലായിരുന്നു ഇരുവരും വിവാഹിതരാകുന്നത്.

വിവാഹവാർഷിക ആശംസ അറിയിച്ചു കൊണ്ട് കരീന പങ്കുവെച്ച ചിത്രം ഇതിനോടകം തന്നെ ആരാധകർ ഏറ്റെടുത്തു.

പിസ്സ കഴിക്കുന്ന കരീനക്കൊപ്പം പു‍ഞ്ചിരി തൂകി നിൽക്കുന്ന സെയ്ഫിനെ കാണാം. യൂറോപ്പിലെ അവരുടെ അവധിക്കാലത്ത് എടുത്തതാണ് ചിത്രം.

'ഇതാണ് ഞങ്ങൾ, നീയും ഞാനും പിസ്സയും, എന്നേക്കും സ്നേഹം,  ഹാപ്പി ആനിവേഴ്സറി ഹസ്ബന്റ്'. സുഹൃത്തുക്കളിൽ നിന്നും ആരാധകരിൽ നിന്നും ഫോട്ടോയ്ക്ക് വലിയ സ്വീകരണമാണ് ലഭിച്ചത്.

 വിവാഹശേഷം 2016-ൽ കരീനയ്ക്കും സെയ്ഫിനും ഒരു മകൻ (തൈമൂർ അലി ഖാന്‍) പിറന്നു. പിന്നീട് 2021-ൽ രണ്ടാമത്തെ മകൻ ജെഹ് അലി ഖാനെ സ്വാഗതം ചെയ്തു.