Parvathy Thiruvothu| പാർവ്വതി തിരുവോത്തിന് പുതിയ പേരിട്ട് ആരാധകർ; വൈറൽ

ഹേമ കമ്മിറ്റി റിപ്പോർട്ട് പുറത്തു വന്നതിന് പിന്നാലെ ഉണ്ടായ സംഭവവികാസങ്ങൾ ഇനിയും കെട്ടടങ്ങിയിട്ടില്ല. ഓരോ ദിവസവും സിനിമയിലെ പ്രമുഖർക്കെതിരെ ആരോപണങ്ങൾ ഉയർന്നു വരികയാണ്.

എന്നാൽ അതിനൊപ്പം ചർച്ചയാവുന്നത് നടി പാർവ്വതി തിരുവോത്തും (Parvathy Thiruvothu) താരത്തിന്റെ നിലപാടുകളുമാണ്. ഹേമ കമ്മിറ്റി റിപ്പോർട്ട് പുറത്തുവന്നതിലുള്ള താരത്തിന്റെ ഇടപെടലുകളും ഈ വേളയിൽ ചർച്ചയാവുകയാണ്.

"പാർവ്വതി തിരുവോത്തിൻ്റെ (Parvathy Thiruvothu) അതേ കാലഘട്ടത്തിൽ ജീവിക്കാനായത് വലിയ ബഹുമതിയായി" കാണുന്നു എന്നാണ് മാലാ പാർവ്വതി പറഞ്ഞത്. ഇപ്പോഴിതാ ആരാധകർ താരത്തിന് പുതിയ പേര് നൽകിയിരിക്കുകയാണ്.

പാർവ്വതി പങ്കുവെച്ച പുതിയ ചിത്രങ്ങൾക്ക് താഴെയാണ് പുതിയ പേര് എത്തിയിരിക്കുന്നത്. ഇനി മുതൽ പാർവ്വതി(Parvathy Thiruvothu) അല്ല 'പവര്‍ തീ' എന്നാണ് ഒരു ആരാധകൻ കമന്റ് ചെയ്തിരിക്കുന്നത്.

Look what you made us do... എന്നാണ് പാർവ്വതി തന്റെ ചിത്രങ്ങൾക്കൊപ്പം കുറിച്ചിരിക്കുന്നത്. ഹേമ കമ്മിറ്റി റിപ്പോർട്ട് പുറത്തു വന്നതോടെ മലയാള സിനിമയിലെ പല പ്രമുഖരും വെട്ടിലായിരിക്കുകയാണ്.

സംവിധായകൻ രഞ്ജിത്ത് (Renjith) ചലച്ചിത്ര അക്കാദമി (Kerala State Chalachitra Academy) ചെയർമാൻ സ്ഥാനം ഞായറാഴ്ച്ച രാജിവെച്ചു. ബംഗാളി നടി ഉന്നയിച്ച ആരോപണം വിവാദമായ പശ്ചാത്തലത്തിലായിരുന്നു രാജി.

രഞ്ജിത്തിനെതിരെ ഓ​ഗസ്റ്റ് 26ന് ബംഗാളി നടി ശ്രീലേഖ മിത്ര (Sreelekha Mitra) പോലീസിൽ പരാതി നൽകി. ലൈംഗിക ഉദ്ദേശത്തോടെ ശരീരത്തിൽ സ്പർശിച്ചു എന്ന് കാണിച്ചാണ് ശ്രീലേഖ കൊച്ചി പോലീസ് കമ്മീഷണർക്ക് പരാതി നൽകിയത്.