'അമ്പമ്പോ... അഞ്ചനമണിക്കട്ടിലമ്മേ...' നാടൻ പാട്ടുമായി 'ഇന്നസൻ്റ്' സിനിമ

അമ്പമ്പോ .. അഞ്ചനമണിക്കട്ടിലമ്മേ നല്ല പഞ്ഞണിത്തേർ മെത്തമേ.... വളരെ പ്രചാരം നേടിയിട്ടുള്ള ഒരു നാടൻ പാട്ടാണിത്. ഈ ഗാനം പുതിയ ഓർക്കസ്ട്രയുടെ അകമ്പടിയോടെ തനിമ ഒട്ടും നഷ്ടപ്പെടാതെ സതീഷ് തൻവി സംവിധാനം ചെയ്യുന്ന 'ഇന്നസൻ്റ്' എന്ന ചിത്രത്തിൽ ഉൾക്കൊള്ളിച്ചിരിക്കുന്നു. സംഗീത സംവിധായകനായ ജയ് സ്റ്റെല്ലറാണ് ഈ ഗാനം ഇപ്പോൾ ചിട്ടപ്പെടുത്തിയിരിക്കുന്നത്. രേഷ്മ രാഘവേന്ദ്രയും സംഘവും ചേർന്നാണ് ആലാപനം. ചിത്രത്തിൻ്റെ റിലീസിനു മുന്നോടിയായുള്ള പ്രൊമോഷൻ്റെ ഭാഗമായാണ് ഗാനം ഇപ്പോൾ പുറത്തുവിട്ടിരിക്കുന്നത്.