Samvritha Sunil | നീളൻ മുടിയിൽ വീണ്ടും കത്രിക വച്ചു; ഷോർട്ട് ഹെയർസ്റ്റൈലുമായി സംവൃത സുനിൽ

രസികൻ (Rasikan movie) സിനിമയിലെ നീളൻ മുടിക്കാരിയായാണ് സംവൃത സുനിലിന്റെ (Samvrutha Sunil) സിനിമാ പ്രവേശം. നാടൻ വേഷങ്ങളും മോഡേൺ വേഷങ്ങളും അനായാസേന കൈകാര്യം ചെയ്തുകൊണ്ട് മലയാള സിനിമയിൽ സംവൃത നായികയായ ഒരുപിടി നല്ല ചിത്രങ്ങൾ ഉണ്ടായി. പിന്നീട് വിവാഹം കഴിഞ്ഞ് ഭർത്താവുമൊത്ത് സംവൃത വിദേശത്ത് താമസമാക്കി. രണ്ടു കുട്ടികളുടെ അമ്മയായി തിരക്കുകളിൽ നിന്നും തിരക്കുകളിലേക്ക് സംവൃത മാറി

ആ നീളൻ മുടിയിൽ കുറച്ചു വർഷങ്ങൾക്ക് മുൻപ് സംവൃത ഒരു പരീക്ഷണം നടത്തിയിരുന്നു. ഇടുപ്പറ്റം നീണ്ട മുടി തോളിനു മുകളിൽ നിർത്തി മുറിച്ച സംവൃതയുടെ ചിത്രം പോസ്റ്റ് ചെയ്തത് കൂട്ടുകാരി മംമ്ത മോഹൻദാസ് ആണ്. കാൻസർ ബാധിച്ച കുട്ടികൾക്ക് വിഗ് നിർമ്മിക്കാൻ തന്റെ നീളൻ മുടിയിഴകൾ സംവൃത നൽകുകയായിരുന്നു. എന്നാൽ ഇതാ വീണ്ടും നീളൻ മുടിയിൽ സംവൃത കത്രിക വച്ചിരിക്കുന്നു (തുടർന്ന് വായിക്കുക)

മുടിയുടെ നീളം ഏകദേശം പകുതിയായി കുറച്ചാണ് സംവൃത ചിത്രങ്ങളിൽ പ്രത്യക്ഷപ്പെടുന്നത്. ഒരു നല്ല കാരണത്തിന് വേണ്ടി എന്ന് മാത്രമാണ് സംവൃത ക്യാപ്‌ഷനിൽ പറഞ്ഞിരിക്കുന്നത്

വർഷങ്ങൾക്ക് മുൻപുള്ള സംവൃതയുടെ ഹെയർ സ്റ്റൈൽ ആണിത്. വിദേശത്ത് സന്ദർശകയായി എത്തിയ മംമ്തയാണ് ഈ ലുക്ക് അന്ന് പുറത്തുവിട്ടത്

മുംബൈ അഥവാ പഴയകാല ബോംബെ എന്നാൽ പ്രാവുകൾ കുറുകി പറക്കുന്ന താജ് ഹോട്ടലും പരിസരവുമാണ് പ്രധാനം. ഒരിക്കലെങ്കിലും മുംബൈ സന്ദർശിച്ചാൽ പ്രാവുകൾ പറക്കുന്ന സ്ഥലത്തു പോയി ഒരു ചിത്രമെങ്കിലും എടുക്കാത്തവർ വിരളമാവും. സംവൃതയുടെ കുട്ടിക്കാല ചിത്രമാണിത്

ഫോട്ടോയിലെ പെൺകുട്ടിക്ക് പ്രായം 12 വയസ്സ്. ഈ ചിത്രത്തിൽ അച്ഛന്റെ കയ്യിലിരിക്കുന്ന ഒരു വയസ്സുകാരിയും മുകളിൽ കാണുന്ന പന്ത്രണ്ടു വയസ്സുകാരിയും ഒരാൾ തന്നെ

വിവാഹശേഷം അഭിനയജീവിതത്തോടു താൽക്കാലികമായി വിട പറഞ്ഞ സംവൃത റിയാലിറ്റി ഷോയുടെ അവതാരകയായും ഒരു സിനിമയിലെ നായികയായും മടങ്ങിയെത്തിയിരുന്നു. 'സത്യം പറഞ്ഞാ വിശ്വസിക്കുവോ' എന്ന സിനിമയിൽ ബിജു മേനോന്റെ നായികയായാണ് മടങ്ങി വരവ്

സംവൃതയും ഭർത്താവ് അഖിലും മക്കളും അമേരിക്കയിലാണ് താമസം. അഗസ്ത്യ, രുദ്ര എന്നീ ആൺമക്കളാണ്‌ ദമ്പതികൾക്കുള്ളത്

സംവൃതയും അഖിലും

സംവൃതയുടെ മക്കളായ അഗസ്ത്യയും രുദ്രയും