Veena Mukundan: 'വിവാഹജീവിതത്തിൽ സന്തോഷിച്ച സമയത്തേക്കാൾ കൂടുതൽ പിരിയാൻ ആഗ്രഹിച്ച നിമിഷങ്ങൾ'; വീണ മുകുന്ദൻ

അഭിമുഖങ്ങളിലൂടെ പ്രേക്ഷകർക്ക് സുപരിചിതയായ താരമാണ് വീണ മുകുന്ദൻ (Veena Mukundan). താരത്തിന് ഒറിജിനൽസ് എന്റർടൈൻമെന്റ് എന്ന പേരിൽ യൂട്യൂബ് ചാനൽ ഉണ്ട്. മുൻപ് ഒരു സ്വകാര്യ ചാനലിലെ അവതരികയായി ജോലി ചെയ്തിരുന്ന വീണ ഒരു പോയിന്റിൽ സ്വന്തമായി ഒരു സംരംഭം എന്ന രീതിയിൽ തുടങ്ങിയതാണ് ഒറിജിനൽസ്. അത് വലിയ വിജയമായിരുന്നു എന്ന കാര്യത്തിൽ സംശയമില്ല. വെള്ളിത്തിരയിലെ മിന്നും താരങ്ങൾ മുതൽ വൈറൽ റീൽസ് താരങ്ങൾ വരെ വീണ മുകുന്ദൻ അഭിമുഖം ചെയ്തിട്ടുണ്ട്. ധ്യാൻ ശ്രീനിവാസന്റെ വൈറൽ ഇന്റർവ്യൂവിലൂടെയാണ് വീണ കൂടുതൽ ശ്രദ്ധിക്കപ്പെടാൻ തുടങ്ങിയത്. ആപ്പ് കൈസേ ഹോ എന്ന ചിത്രത്തിലൂടെ സിനിമ മേഖലയിലേക്കും വീണ കടന്നിരിക്കുകയാണ് ഇപ്പോൾ.

അമ്മയാകാനുള്ള കാത്തിരിപ്പിലാണ് വീണ. കഴിഞ്ഞ ദിവസമാണ് വീണ ഈ കാര്യം തന്റെ ആരാധകരുമായി പങ്കുവച്ചത്. എല്ലാത്തിനും ഒരു വ്യക്തത വരുത്തിയിട്ട് നിങ്ങളുമായി പങ്കുവയ്ക്കാമെന്ന് വിചാരിച്ചു എന്നാണ് വീണ പ്രഗ്നൻസി വെളിപ്പെടുത്തിയപ്പോൾ പറഞ്ഞത്. മൂന്ന് മാസം ഗർഭിണിയാണ് വീണ. എന്നാൽ ഇപ്പോഴത്തെ വിശേഷം ഇതൊന്നും അല്ല. കഴിഞ്ഞ ദിവസമായിരുന്നു വീണയുടെയും പങ്കാളി ജീവൻ കൃഷ്ണകുമാറിന്റെയും ആറാം വിവാഹ വാർഷികം. ആനിവേഴ്സറിയ്ക്ക് വീണ തന്റെ ഇൻസ്റ്റാഗ്രാം അക്കൗണ്ടിൽ പങ്കുവച്ച കുറിപ്പാണു ഇപ്പോൾ ചർച്ചയാവുന്നത്.

ഒരു ഭാര്യയെ എന്തിലും ഏതിലും പിന്തുണയ്ക്കുന്ന ഒരാളെ കിട്ടുമോ എന്ന് ചിന്തിച്ചിരുന്ന വീണയ്ക്ക് ആ ചോദ്യത്തിനുള്ള മറുപടിയായിരുന്നു ജീവൻ കൃഷ്ണകുമാർ. എന്ത് കാര്യത്തിലും പോസിറ്റിവിറ്റി നിലനിർത്തുന്ന, തനിക്ക് ഇഷ്‌ടമില്ലെങ്കിൽ കൂടി ഭാര്യയുടെ ഇഷ്‌ടമെങ്കിൽ, അതിനെ പിന്തുണയ്ക്കുന്ന പ്രകൃതക്കാരനാണ് ജീവൻ എന്ന് വീണ ജീവന്റെ പിറന്നാൾ സ്‌പെഷൽ പോസ്റ്റിൽ പറഞ്ഞിരുന്നു. അങ്ങനെയൊരാളെ താൻ അർഹിക്കുന്നുണ്ടോ എന്ന് പോലും ചിന്തിച്ചിട്ടുണ്ട് എന്ന് വീണ തുറന്നു പറഞ്ഞിരുന്നു.

വീണ പങ്കുവച്ച കുറിപ്പിന്റെ പൂർണരൂപം ഇങ്ങനെ, '6 വർഷങ്ങൾക്ക് മുമ്പ് ഈ ദിവസം, ഞങ്ങൾ വിവാഹിതരായി. സത്യം പറഞ്ഞാൽ, ഞങ്ങൾ എന്തിനു വേണ്ടിയാണ് ഒപ്പുവെക്കുന്നതെന്ന് ഞങ്ങൾക്ക് ഒരു പിടിയും ഉണ്ടായിരുന്നില്ല .പൊതുവായി ഒന്നുമില്ലാത്ത രണ്ട് പേർ, ഒരുമിച്ച് ജീവിതം കെട്ടിപ്പടുക്കാൻ ശ്രമിക്കുന്നു. ആ ആദ്യ വർഷങ്ങൾ എനിക്ക് ഇപ്പോഴും ഓർമ്മയുണ്ട്. ഞങ്ങൾക്കുണ്ടായിരുന്ന വഴക്കുകളുടെ എണ്ണം സമാധാനപരമായ ദിവസങ്ങളെക്കാൾ വളരെ കൂടുതലായിരുന്നു. വിവാഹവും പങ്കാളികളും എങ്ങനെയായിരിക്കണമെന്ന് വ്യത്യസ്തമായ പ്രതീക്ഷകളും സ്വപ്നങ്ങളുമായാണ് ഞങ്ങൾ വന്നത്.'

'ഈ വിവാഹത്തിൽ ഞാൻ എങ്ങനെ അവസാനിച്ചുവെന്ന് ഗൗരവമായി ചിന്തിച്ച ദിവസങ്ങളുണ്ടായിരുന്നു. എല്ലാ പ്രതീക്ഷകളും നഷ്ടപ്പെട്ട് അകന്നു പോകുന്നതിനെക്കുറിച്ച് ഞാൻ ചിന്തിച്ച ഒരു സമയവും. പക്ഷേ ജീവിതത്തിന് മറ്റ് പദ്ധതികളുണ്ടായിരുന്നു. അത് ഞങ്ങളെ നിലനിൽക്കാൻ പ്രേരിപ്പിച്ചു. അത് ഞങ്ങളെ പരസ്പരം കാണാൻ പ്രേരിപ്പിച്ചു. വഴക്കിടുന്നതിനു പകരം വ്യത്യാസങ്ങളെ സ്വീകരിക്കാൻ ഞങ്ങളെ പഠിപ്പിച്ചു.  ഇപ്പോൾ, ഇതാ ഞങ്ങൾ - ആറ് വർഷങ്ങൾക്ക് ശേഷം, ഇതുവരെയുള്ള ഏറ്റവും വലിയ അനുഗ്രഹത്തിനായി കാത്തിരിക്കുന്നു. ഞങ്ങൾ ഒരുമിച്ച് സൃഷ്ടിച്ച ചെറിയ അത്ഭുതം വഹിച്ചുകൊണ്ട്, ഒരു ഭാവി അമ്മ എന്ന നിലയിൽ, എനിക്ക് പൂർണ്ണഹൃദയത്തോടെ പറയാൻ കഴിയും ഞങ്ങൾ കൊടുങ്കാറ്റിനെ അതിജീവിച്ചു. ഞങ്ങൾ ഈ കപ്പൽ യാത്ര ചെയ്തു, ചിലപ്പോൾ ഇളകി, ചിലപ്പോൾ ശക്തരായി - പക്ഷേ എല്ലായ്പ്പോഴും ഒരുമിച്ച്.'

'പൊതുവായി ഒന്നുമില്ലാതെ, ഏറ്റവും പ്രധാനപ്പെട്ട ഒരു കാര്യം ഞങ്ങൾ കണ്ടെത്തി ഞങ്ങളുടെ ആന്തരിക ശക്തി. ഇപ്പോൾ, അതാണ് നമ്മളെ ബന്ധിപ്പിക്കുന്നത്. അതും, പരസ്പരം ഉള്ള ഒരു ആഴത്തിലുള്ള സംതൃപ്തിയും, എല്ലാം. ഇതാ കൂടുതൽ ചിരി, കൂടുതൽ പാഠങ്ങൾ, കൂടുതൽ സ്നേഹം. ഞങ്ങൾക്ക് വിവാഹ വാർഷിക ആശംസകൾ. എപ്പോഴും നിന്നെ സ്നേഹിക്കുന്നു.' വീണ കുറിച്ചു. നിരവധി ആരാധകരും സിനിമ മേഖലയിലെ താരങ്ങളുമാണ് ഇരുവർക്കും ആശംസകൾ അറിയിച്ച് എത്തുന്നത്.