ചെരുപ്പിനുള്ളിലും അടിവസ്ത്രത്തിലും ഏഴു ലക്ഷത്തോളം വില വരുന്ന ഹാഷിഷ്; കണ്ണൂര്‍ വിമാനത്താവളത്തില്‍ ഒരാള്‍ അറസ്റ്റില്‍

ചെരുപ്പിനുള്ളിലും അടിവസ്ത്രത്തിലുമായി ഹാഷിഷ് കടത്താന്‍ ശ്രമിച്ചയാള്‍ കണ്ണൂര്‍ വിമാനത്താവളത്തില്‍ പിടിയിലായി. കണ്ണൂര്‍ തായത്തെരു സ്വദേശി അജാസിനെയാണ് സി.ഐ.എസ്.എഫ് പിടികൂടിയത്.

ഏഴു ലക്ഷത്തോളം വില വരുന്ന ഹാഷിഷുമായി ദോഹയിലേക്ക് കടക്കാനുള്ള ശ്രമത്തിനിടെയാണ് അജാസ് പിടിയിലായത്.

ദേഹപരിശോധനയില്‍ 210 ഗ്രാം ഹാഷിഷ് അടിവസ്ത്രത്തിനുള്ളിലായി ഒളിപ്പിച്ചതായി കണ്ടെത്തി. തുടര്‍ന്ന് നടത്തി വിശദമായ പരിശോധനയില്‍ ചെരുപ്പിനുള്ളില്‍ നിന്നും 690 ഗ്രാം ഹാഷിഷ് കണ്ടെത്തുകയായിരുന്നു.