മുക്കുപണ്ടം പണയം വച്ച് 15 ലക്ഷം രൂപ തട്ടിയ അദ്ധ്യാപകൻ ഒളിവിൽ
- Published by:SIBILI S
- news18-malayalam
Last Updated:
വെളുത്തമണൽ സരസ്വതി വിലാസം യു പി സ്കൂൾ അദ്ധ്യാപകൻ ദിലീപ് കുമാറാണ് പണം തട്ടിയത്
കൊല്ലം: മുക്കുപണ്ടം പണയം വച്ച് ലക്ഷങ്ങൾ തട്ടിയ അദ്ധ്യാപകൻ ഒളിവിൽ. ശാസ്താംകോട്ട പതാരം 721-ാം നമ്പർ സർവീസ് സഹകരണ ബാങ്കിൽ നിന്നും 15 ലക്ഷം രൂപയാണ് പണം തട്ടിയെടുത്തത്. വെളുത്തമണൽ സരസ്വതി വിലാസം യു പി സ്കൂൾ അദ്ധ്യാപകൻ ദിലീപ് കുമാറാണ് പണം തട്ടിയത്. ഇയാൾക്ക് വേണ്ടിയുള്ള അന്വേഷണം ആരംഭിച്ചിട്ടുണ്ട്.
കഴിഞ്ഞ അഞ്ചാം തീയതിയായിരുന്നു സംഭവം. ശാസ്താംകോട്ട അസിസ്റ്റന്റ് രജിസ്ട്രാർ നടത്തിയ പരിശോധനയിലാണ് സ്വർണാഭരണങ്ങൾ മുക്കുപണ്ടമാണെന്ന് കണ്ടെത്തിയത്. 130.198 ഗ്രാം തൂക്കം വരുന്ന വ്യാജസ്വർണമാണ് ദിലീപ് കുമാർ പണയംവച്ചത്.
എ ആർ ശൂരനാട് പൊലീസിൽ പരാതി നൽകി. തുടർന്ന് ദിലീപ് കുമാർ ഒളിവിൽ പോവുകയായിരുന്നു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kollam,Kerala
First Published :
Mar 14, 2026 4:25 PM IST
