ഭാര്യാമാതാവിനെ പീഡിപ്പിച്ചെന്ന പരാതിയിൽ മരുമകൻ അറസ്റ്റിൽ

കൊല്ലം: ഭാര്യാമാതാവിനെ പീഡിപ്പിച്ചെന്ന പരാതിയിൽ മരുമകനെ പൊലീസ് അറസ്റ്റ് ചെയ്തു. കൊല്ലം കരുനാഗപ്പള്ളിയിലാണ് സംഭവം.

കൊല്ലം ആദിനാട് തെക്ക് മഹാരാഷ്ട്ര കോളനിയിൽ കുന്നുംപുറത്ത് വിട്ടിൽ ബാബുവിനെയാണ് കരുനാഗപ്പള്ളി പൊലീസ് അറസ്റ്റ് ചെയ്തത്.

പ്രതിയും ഭാര്യയും ഭാര്യാമാതാവിനോടൊപ്പം സങ്കപ്പുര മുക്കിന് സമീപമുള്ള സുനാമി കോളനിയിലാണ് താമസം. ഭാര്യ തൊഴിലുറപ്പിന് പോയ സമയത്താണ് പീഡനം നടത്തിയതെന്നാണ് പരാതിയിൽ പറയുന്നു.

തൊഴിലുറപ്പ് ജോലി കഴിഞ്ഞെത്തിയ ബാബുവിന്റെ ഭാര്യ സംഭവം അറിയുകയും കരുനാഗപ്പള്ളി പൊലീസിൽ പരാതി നൽകുകയുമായിരുന്നു.

കരുനാഗപ്പള്ളി എസിപി ബി.ഗോപകുമാറിന്റെ നിർദേശത്തെ തുടർന്ന് സി ഐ മഞ്ജുലാലിന്റെ നേത്യത്വത്തിലുള്ള പോലീസ് സംഘമാണ് പ്രതിയെ പിടികൂടിയത്.