വയനാട് മുത്തങ്ങയിൽ വൻകുഴൽ പണവേട്ട; INTUC നേതാവടക്കം പിടിയിൽ

വയനാട് മുത്തങ്ങയിൽ  വൻ കുഴൽപണ വേട്ട. മതിയായ രേഖകൾ ഇല്ലാതെ പച്ചക്കറി വണ്ടിയിൽ കർണ്ണാടകയിൽ നിന്ന് കടത്തിയ പണമാണ് മുത്തങ്ങ പൊൻകുഴിയിൽ വെച്ച് പ്രത്യേക പരിശോധന സംഘം പിടികൂടിയത്. 

പിടികൂടിയത് അരക്കോടിയിലധികം രൂപയുടെ കുഴൽ പണം. കൃത്യമായി പറഞ്ഞാൽ 51,39,450 രൂപ.

സംഭവത്തിൽ വയനാട് കമ്പളക്കാട് സ്വദേശിയായ അഷ്റഫ് പഞ്ചാര (43) കോഴിക്കോട് കൊടുവള്ളി സ്വദേശി മുജീബ് റഹ്മാൻ (44) എന്നിവരെ കസ്റ്റഡിയിലെടുത്തു. 

ഇതിൽ അഷ്റഫ് പഞ്ചാര ഐഎൻടിയുസി മോട്ടോർ തൊഴിലാളി യൂണിയൻ ജില്ലാ സെക്രട്ടറിയാണ്.  ഇന്നലെ വൈകിട്ടോടെയാണ്  മുത്തങ്ങയിൽ ഇരുവരും പിടിയിലാകുന്നത്.

ജില്ലാ പൊലിസ് മേധാവിക്ക് ലഭിച്ച രഹസ്യവിവരത്തിൻ്റെ അടിസ്ഥാനത്തിൽ ജില്ലാ പൊലിസ് സ്ക്വാഡും സുൽത്താൻ  ബത്തേരി പൊലിസ് സർക്കിൾ ഇൻപെക്ടർ പുഷ്പ്പകുമാറിന്റെയും എസ് ഐ മണിയുടെയും  നേതൃത്വത്തിലുള്ള സംഘമാണ് പണം പിടി കൂടിയത്. ഇവർ സഞ്ചാരിച്ചിരുന്ന വാനും കസ്റ്റഡിയിലെടുത്തു.