സിനിമയിലെ പല നായകന്മാരും രാത്രി മുറിയിലേക്ക് ക്ഷണിച്ചിട്ടുണ്ട്: മല്ലിക ഷെരാവത്ത്

ബോളിവുഡിലെ പല നായകന്മാരും തന്നെ മുറിയിലേക്ക് ക്ഷണിച്ചിട്ടുണ്ടെന്ന് നടി മല്ലിക ഷെരാവത്ത്. സിനിമയിൽ താൻ അഭിനയിച്ച കഥാപാത്രങ്ങൾ കാരണം, ഓഫ് സ്‌ക്രീനിലും താൻ വിട്ടുവീഴ്ചയ്ക്ക് തയ്യാറാണെന്ന് കരുതിയാണ് പലരും ഇത്തരത്തിൽ പെരുമാറിയതെന്നാണ് നടി പറയുന്നത്.

സിനിമാ മേഖലയിൽ നിന്നും തനിക്കുണ്ടായ അനുഭവങ്ങൾ വെളിപ്പെടുത്തുന്ന മല്ലിക ഷെരാവത്തിൻ‌റെ ഒരു വീഡിയോ സമൂഹമാദ്ധ്യമങ്ങളിൽ വൈറലാകുന്നുണ്ട്. ആ വീഡിയോയിലാണ് സിനിമാ മേഖലയിൽ നിന്നും ഉണ്ടായ അനുഭവങ്ങൾ നടി വിവരിക്കുന്നത്.

നടന്മാരുടെ പ്രതീക്ഷകൾക്ക് വിപരീതമനായി പ്രവർത്തിച്ചതിനാൽ, തനിക്ക് സിനിമയിൽ നിരവധി അവസരങ്ങൾ‍ നഷ്ടമായെന്നുമാണ് മല്ലികയുടെ വെളിപ്പെടുത്തൽ. സിനിമ മേഖലയിൽ നിന്നും മാറ്റി നിർത്തൽ അനുഭവിച്ചിട്ടുണ്ടെന്നുമാണ് നടി വീഡിയോയിൽ പറഞ്ഞത്.

ചില നായകന്മാർ എന്നെ വിളിച്ചിട്ട് രാത്രി വന്ന് കാണാൻ പറയും. നിങ്ങളെ എന്തിന് വന്ന് കാണണമെന്നാണ് തിരിച്ച് ചോദിക്കാറുള്ളത്. സ്ക്രീനിൽബോൾഡായ കഥാപാത്രങ്ങൾ ചെയ്യുന്ന ആളല്ലേ... പിന്നെ രാത്രി എന്താണ് പ്രശ്നമെന്നാണ് അവർ പറയുന്നതെന്നുമാണ് മല്ലികയുടെ വാക്കുകൾ.

സ്ക്രീനിൽ ബോൾഡായ കഥാപാത്രങ്ങൾ ചെയ്യുന്നതിനാൽ, ഞാൻ ഇത്തരം വിട്ടു വീഴ്ചയ്ക്ക് തയ്യാറാകുമെന്നാണ് അവർ കരുതുന്നത്. എന്നാൽ താൻ‌ അങ്ങനെയുള്ള ഒരാളല്ലെന്നുമാണ് താരം പറയുന്നത്.

2003-ൽ സിനിമയിലെത്തിയ മല്ലിക 2004-ൽ പുറത്തിറങ്ങിയ ഇമ്രാൻ ഹാഷ്മിക്കൊപ്പമുള്ള മർഡർ എന്ന ചിത്രത്തിലൂടെയാണ് ശ്രദ്ധ നേടിയത്. 2022ൽ പുറത്തിറങ്ങിയ RK/RKay എന്ന ചിത്രത്തിലാണ് മല്ലിക അവസാനമായി അഭിനയിച്ചത്.