Neru movie | ബോക്സ് ഓഫീസ് കളക്ഷനിലും കൊടുങ്കാറ്റായി മോഹൻലാലിന്റെ 'നേര്'; കോടിക്കൊയ്ത്തുമായി ലാൽ- ജീത്തു കോംബോ

മോഹൻലാലിന്റെ (Mohanlal) ശക്തമായ തിരുച്ചുവരവോടു കൂടി മലയാള സിനിമ 2023ന്റെ പടിയിറങ്ങുന്നു. എല്ലാകോണിൽ നിന്നും മികച്ച പ്രതികരണം ലഭിച്ച ചിത്രമാണ് മോഹൻലാൽ, ജീത്തു ജോസഫ് കോംബോയുടെ 'നേര്' (Neru movie). മോഹൻലാൽ വളരെ വർഷങ്ങൾക്ക് ശേഷം വീണ്ടും വക്കീൽ കുപ്പായം അണിഞ്ഞ ചിത്രമാണ് നേര്. ഇതിൽ അഡ്വ. വിജയമോഹൻ എന്ന കഥാപാത്രത്തെയാണ് അദ്ദേഹം അവതരിപ്പിച്ചത്

പ്രേക്ഷകർ നല്ലതു പറയുമ്പോൾ, ബോക്സ് ഓഫീസിലും അതുപോലെ പ്രതിഫലിക്കുന്നുണ്ട്. ഇക്കഴിഞ്ഞ വെള്ളിയാഴ്ചയാണ് മോഹൻലാലിന്റെ 'നേര്' തിയേറ്ററിലെത്തിയത്. രണ്ടു ദിവസം കൊണ്ട് മികച്ച കളക്ഷൻ കേരളത്തിനകത്തും പുറത്തും ചിത്രം നേടി എന്ന് റിപോർട്ടുകൾ സൂചിപ്പിക്കുന്നു (തുടർന്ന് വായിക്കുക)

ആദ്യദിനം ചിത്രം മൊത്തത്തിൽ ആറു കോടി രൂപ കളക്ഷൻ ഇനത്തിൽ നേടി എന്നാണ് വിവരം. ആദ്യദിനത്തിൽ ഇന്ത്യയിൽ നിന്ന് മാത്രം 2.80 കോടി രൂപയാണ് കളക്ഷനായി പറയുന്നത്

ആദ്യ ദിവസത്തെ പ്രതികരണം രണ്ടാം ദിനവും ശക്തമായി കളക്ഷൻ നേടാൻ ചിത്രത്തെ സഹായിച്ചു എന്ന് കണക്കുകൾ. രണ്ടാം ദിനത്തിൽ രാജ്യത്തെ മൊത്തം കളക്ഷൻ 2.26 കോടി എന്ന് സാക്നിൽക് റിപ്പോർട്ടിൽ പരാമർശമുണ്ട്

മോഹൻലാൽ, അനശ്വര രാജൻ എന്നിവർ കേന്ദ്രകഥാപാത്രങ്ങളായ ചിത്രത്തിൽ ഓരോ കഥാപാത്രവും പ്രസക്തമാണ്. സിദ്ധിഖ്, പ്രിയാമണി, ജഗദീഷ്, ഗണേഷ്, ശ്രീധന്യ, ശാന്തിമായ ദേവി എന്നിവരായാണ് മുഖ്യവേഷങ്ങളിൽ. അതിഥി വേഷത്തിൽ നിർമാതാവ് ആന്റണി പെരുമ്പാവൂരും പ്രത്യക്ഷപ്പെടുന്നു

കാഴ്ചവൈകല്യമുള്ള പെൺകുട്ടി മാനഭംഗത്തിന് ഇരയാകുന്നതും, ആ കേസ് വാദിക്കാൻ അഡ്വ. വിജയമോഹൻ എത്തുന്നതുമാണ് പ്രമേയം. സങ്കീർണതകൾ നിറഞ്ഞ ഈ കേസ് അദ്ദേഹം വാദിച്ചു ജയിക്കുന്നതാണ് സിനിമ. ചിത്രത്തിലെ അനശ്വരാ രാജന്റെ പ്രകടനം മികച്ച പ്രതികരണം നേടിക്കഴിഞ്ഞു