സിനിമ-സീരിയൽ അഭിനേതാവ് ശരണ്യ ആനന്ദ് വിവാഹിതയായി

Saranya Anand

സിനിമാ-സീരിയൽ താരം ശരണ്യ ആനന്ദ് വിവാഹിതയായി. മനേഷ് രാജൻ നായരാണ് വരൻ. ഗുരുവായൂർ ക്ഷേത്രത്തിൽ വച്ച് ലളിതമായ ചടങ്ങുകളോടെയായിരുന്നു വിവാഹം.

ഫാഷൻ ഡിസൈനർ, കൊറിയോഗ്രഫർ, മോഡൽ തുടങ്ങിയ മേഖലകളിൽ ശ്രദ്ധ നേടിയ ശരണ്യ സീരിയലിലൂടെയാണ് അഭിനയരംഗത്തേക്ക് കടക്കുന്നത്.

തുടർന്ന് തമിഴ് സിനിമകളിലൂടെ ബിഗ് സ്ക്രീനിലുമെത്തി. മലയാളത്തിലും നിരവധി ചിത്രങ്ങളിൽ അഭിനയിച്ചിട്ടുണ്ട്.

മോഹൻലാൽ ചിത്രമായ 1971 ബിയോണ്ട് ബോർഡേഴ്സിലൂടെയാണ് മലയാള സിനിമയിൽ അരങ്ങേറ്റം കുറിച്ചത്. തുടർന്ന് ആകാശഗംഗ 2, മാമാങ്കം, അച്ചായൻസ്, ചങ്ക്സ് തുടങ്ങിയ ചിത്രങ്ങളിലും വേഷമിട്ടു

നിലവിൽ കുടുംബവിളക്ക് എന്ന സീരിയലിൽ അഭിനയിച്ചു കൊണ്ടിരിക്കുന്ന ശരണ്യ, കുടുംബപ്രേക്ഷകർക്കിടയിലും സുപരിചിതയാണ്.

കസവു ലെഹങ്കയായിരുന്നു ശരണ്യയുടെ വിവാഹവേഷം. വളരെ കുറച്ച് ആഭരണങ്ങള്‍ മാത്രം അണി‍ഞ്ഞ് തീർത്തും ലളിതമായാണ് താരം വിവാഹവേദിയിലെത്തിയത്.

ശരണ്യ,മനേഷ് രാജൻ