വാലന്റൈൻസ് ദിനത്തിൽ വിസ്മയ മോഹൻലാലിന്റെ സർപ്രൈസ് ഒരുങ്ങുന്നു; അനുജത്തിയെ പിന്തുണച്ച് പ്രണവും

അച്ഛനും ജ്യേഷ്‌ഠനും അഭിനേതാക്കൾ, അമ്മ സുചിത്ര വീട്ടമ്മയായി ഒതുങ്ങിയെങ്കിലും മുത്തശ്ശനും അമ്മാവനും സിനിമാക്കാർ. എന്തുകൊണ്ടും ഒരു സിനിമാ ലോകത്ത് തന്നെയാണ് വിസ്മയ പിറന്നു വീണത്. സിനിമയിലെത്തുമോ എന്ന ചോദ്യത്തിന് ഇതുവരെയായും താരപുത്രി നേരിട്ട് മറുപടി കൊടുത്തിട്ടില്ല

എന്തായാലും ഈ വരുന്ന വാലന്റൈൻസ് ദിനത്തിൽ വിസ്മയ എന്താണ് അല്ലെങ്കിൽ ആരാണ് എന്നറിയാൻ പ്രേക്ഷകർക്ക് സാധിക്കും. കേവലം ഒരാഴ്ച കൂടി കഴിഞ്ഞാൽ അത് നേരിട്ട് മനസ്സിലാക്കാം. ജ്യേഷ്‌ഠൻ പ്രണവും അനുജത്തിക്ക് പിന്തുണയുമായി എത്തുന്നുണ്ട് (തുടർന്ന് വായിക്കുക)

ഇതിനു മുൻപ് വിസ്മയ ഇക്കാര്യം പരസ്യമായി ഏവരെയും അറിയിച്ചു കൊണ്ട് രംഗത്തെത്തിയിരുന്നു. അച്ഛൻ മോഹൻലാൽ ഉൾപ്പെടെ പങ്കെടുത്ത ചടങ്ങിലായിരുന്നു വിസ്മയയുടെ കവിതാസമാഹാരത്തിന്റെ പ്രകാശനം. 'ഗ്രെയ്ന്സ് ഓഫ് സ്റ്റാർഡസ്റ്റ്' എന്ന കവിതാ സമാഹാരം വാലന്റൈൻസ് ദിനത്തിൽ പുറത്തിറങ്ങും

പ്രശസ്തമായ പെൻഗ്വിൻ ബുക്ക്സ് ആണ് പുസ്തകം പുറത്തിറക്കുക. ഇന്ത്യയിൽ എവിടെയും പുസ്തകം ലഭിക്കും. പുസ്തകം ഓൺലൈൻ ആയി  ബുക്ക് ചെയ്യാം. അനുജത്തിയുടെ പുസ്തകം ഇറങ്ങുന്നത് സംബന്ധിച്ചുള്ള പ്രണവിന്റെ പോസ്റ്റാണിത്

അടുത്തിടെ ശരീരഭാരം കുറച്ചുകൊണ്ട് വിസ്മയ വാർത്തകളിൽ നിറഞ്ഞിരുന്നു. 22 കിലോയാണ് കഠിന പ്രയത്നത്തിലൂടെ വിസ്മയ കുറച്ചത്. തായ്‌ലണ്ടിലായിരുന്നു ഇതിനായുള്ള പരിശീലനം

അടുത്തിടെ ആന്റണി പെരുമ്പാവൂരിന്റെ മകൾ അനിഷയുടെ വിവാഹത്തിന് പുതിയ ലുക്കിൽ കുടുംബസമേതം വിസ്മയ പങ്കെടുത്തിരുന്നു