Hathras Rape | പെണ്‍കുട്ടിയുടെ കുടുംബത്തെ ചേർത്തു പിടിച്ച് പ്രിയങ്ക ഗാന്ധി; ആശ്വാസവാക്കുകളുമായി രാഹുലും

ഹത്രാസിൽ കൂട്ടബലാത്സംഗത്തിനിരയായി കൊല്ലപ്പെട്ട പെൺകുട്ടിയുടെ വീട് സന്ദർശിച്ച് കോൺഗ്രസ് നേതാക്കളായ രാഹുൽ ഗാന്ധിയും പ്രിയങ്ക ഗാന്ധിയും. ഏറെ നേരത്തെ പ്രതിഷേധങ്ങൾക്കൊടുവിലാണ് ഇരുവരും ഉൾപ്പെടെ അഞ്ച് കോൺഗ്രസ് അംഗങ്ങൾക്ക് കുടുംബത്തെ സന്ദർശിക്കാൻ പൊലീസ് അനുമതി നൽകിയത്. (Image: PTI)

എ.ഐ.സി.സി ജനറൽ സെക്രട്ടറി കെ.സി.വേണുഗോപാല്‍, ലോക്‌സഭാ കക്ഷി നേതാവ് അധീര്‍ രഞ്ജന്‍ ചൗധരി, മുകുൾ വാസ്നിക് എന്നിവരാണ് രാഹുലിനും പ്രിയങ്കയ്ക്കും ഒപ്പം പെൺകുട്ടിയുടെ കുടുംബത്തെ സന്ദർശിക്കാനെത്തിയത് (Image: PTI)

പെൺകുട്ടിയുടെ കുടുംബാംഗങ്ങളോട് വിവരങ്ങൾ തിരക്കിയ പ്രിയങ്ക ഗാന്ധി അവരെ ചേർത്ത് പിടിച്ച് ആശ്വസിപ്പിക്കുകയും ചെയ്തു. ആശ്വാസ വാക്കുകളുമായി ഒപ്പം നിന്ന കോൺഗ്രസ് നേതാക്കളും നീതിക്കായുള്ള പോരാട്ടത്തിൽ എല്ലാ പിന്തുണയും കുടുംബത്തിന് ഉറപ്പ് നൽകി  (Image: PTI)

നീതി ലഭിക്കും വരെ പോരാട്ടം തുടരുമെന്ന് പ്രിയങ്ക ഗാന്ധിയും അറിയിച്ചിട്ടുണ്ട്. ഇതിനിടെ സംഭവത്തിൽ പ്രതിഷേധം കടുത്ത പശ്ചാത്തലത്തിൽ കേസ് അന്വേഷണം സിബിഐക്ക് വിടാൻ യുപി സർക്കാർ തീരുമാനിച്ചിട്ടുണ്ട്.  (Image: PTI)

സംഭവത്തിൽ ഇരയുടെ കുടുംബത്തിന് നീതിയും മുഖ്യമന്ത്രിയുടെ രാജിയും ആവശ്യപ്പെട്ട് കോൺഗ്രസ്, ടിഎംസി ഉൾപ്പെടെയുള്ള രാഷ്ട്രീയ പാർട്ടികളും സമൂഹിക സംഘടനകളും പ്രതിഷേധം ശക്തമാക്കിയതിനു പിന്നാലെയാണ് കേസ് അന്വേഷണം സി.ബി.ഐക്ക് കൈമാറിയുള്ള സർക്കാർ പ്രഖ്യാപനം പുറത്തുവന്നത്. ( ചിത്രം- പെണ്‍കുട്ടിയുടെ കുടുംബത്തെ ആശ്വസിപ്പിക്കുന്ന പ്രിയങ്ക ഗാന്ധി,  Image: PTI)

അതേസമയം ഹത്രാസ് സന്ദർശിക്കാനെത്തിയ കോൺഗ്രസ് നേതാക്കളെ പൊലീസ് തടഞ്ഞതും കയ്യേറ്റം ചെയ്തതും വിവാദം ഉയർത്തുന്നുമുണ്ട്. ഇത് രണ്ടാം തവണയാണ് രാഹുലിന്‍റെയും പ്രിയങ്കയുടെയും നേതൃത്വത്തിലുള്ള സംഘം ഇവിടെയെത്തുന്നത് (Image: PTI)

ആദ്യതവണ പൊലീസ് ഇടപെടലിനെ തുടർന്ന് മടങ്ങിപ്പോയിരുന്നു. അന്ന് രാഹുൽ  ഗാന്ധിക്ക് നേരെയുണ്ടായ പൊലീസ് കയ്യേറ്റം വിമർശനങ്ങൾക്കാണ് വഴിവച്ചത്  (Image: PTI)

എന്നാൽ കഴിഞ്ഞ ദിവസം കോൺഗ്രസ് നേതാക്കൾ വീണ്ടും ഇവിടെയെത്തി. നിരോധനാജ്ഞ നിലവിലുള്ള മേഖലയിൽ ഇതൊക്കെ മറികടന്നായിരുന്നു സന്ദർശനം. പൊലീസ് തടഞ്ഞതും കയ്യേറ്റം ചെയ്തതുമൊക്കെ പ്രശ്നങ്ങൾ സൃഷ്ടിച്ചെങ്കിലും ഒടുവിൽ അഞ്ചു പേർക്ക് പെൺകുട്ടിയുടെ കുടുംബത്തെ കാണാൻ അനുമതി നൽകുകയായിരുന്നു. (Image: PTI)

(Image: PTI)