IPL 2020| ഐപിഎൽ മത്സരങ്ങൾ സെപ്തംബർ 19 മുതൽ നവംബർ 8വരെ: ഐപിഎൽ ചെയർമാൻ
- Published by:Rajesh V
- news18-malayalam
Last Updated:
51 ദിവസം നീണ്ടുനിൽക്കുന്ന സമ്പൂർണ ഐപിഎൽ തന്നെയാണ് ഈ വർഷം നടക്കുക.
ഈ വർഷത്തെ ഐപിഎൽ മത്സരങ്ങൾ സെപ്തംബർ 19 മുതൽ നവംബർ എട്ടുവരെ നടക്കുമെന്ന് ഇന്ത്യൻ പ്രീമിയർ ലീഗ് (ഐപിഎൽ) ചെയർമാൻ ബ്രിജേഷ് പട്ടേൽ. ഇക്കാര്യം എട്ടു ടീം അധികൃതരെയും അറിയിച്ചു. ഐപിഎല് നടത്തിപ്പുമായി ബന്ധപ്പെട്ട വിശദാംശങ്ങൾ ചർച്ച ചെയ്യാനും അന്തിമാനുമതി നൽകാനും ഐപിഎൽ ഭരണസമിതി അടുത്തയാഴ്ച യോഗം ചേരാനിരിക്കുകയാണ്. ഐപിഎൽ ഒരുക്കങ്ങൾക്കായി ടീമുകൾ ഓഗസ്റ്റ് 20ന് യുഎഇയിലേക്ക് പോകുമെന്നാണ് വിവരം..
advertisement
ഐപിഎൽ ഭരണസമിതി യോഗം അടുത്തയാഴ്ചയാണ് നടക്കുക. എങ്കിലും ടൂർണമെന്റിന്റെ സമയക്രമം തീരുമാനമായിട്ടുണ്ട്. സെപ്റ്റംബർ 19 മുതൽ നവംബർ എട്ടു വരെയാണ് ഈ വർഷം ഐപിഎൽ നടക്കുക. ഇതിന് കേന്ദ്രസർക്കാരിന്റെ അനുമതി കൂടി കിട്ടാനുണ്ട്. 51 ദിവസം നീണ്ടുനിൽക്കുന്ന സമ്പൂർണ ഐപിഎൽ തന്നെയാണ് ഈ വർഷം നടക്കുക – ബ്രിജേഷ് പട്ടേൽ വ്യക്തമാക്കി.
advertisement
ഈ വർഷം സെപ്റ്റംബർ- ഒക്ടോബർ മാസങ്ങളിലായി ഓസ്ട്രേലിയയിൽ നടക്കേണ്ടിയിരുന്ന ടി20 ലോകകപ്പ് കോവിഡ് വ്യാപനത്തിന്റെ പശ്ചാത്തലത്തിൽ മാറ്റിവെച്ചതോടെയാണ് ഐപിഎൽ നടത്താൻ വഴി തെളിഞ്ഞത്. കോവിഡ് വ്യാപനത്തിന്റെ പശ്ചാത്തലത്തിൽ എന്തൊക്കെ മുൻകരുതലുകളോടെയാണ് ടൂർണമെന്റ് നടത്തേണ്ടതെന്ന കാര്യത്തിൽ ചർച്ചകൾ നടക്കുകയാണെന്ന് പട്ടേൽ വ്യക്തമാക്കി. ഇക്കാര്യത്തിൽ ഔദ്യോഗികമായിത്തന്നെ യുഎഇ ക്രിക്കറ്റ് ബോർഡിന് കത്തു നൽകുമെന്നും പട്ടേൽ അറിയിച്ചു.
advertisement
advertisement