'പിണറായി കേരളത്തിലെ അവസാന കമ്മ്യൂണിസ്റ്റ് മുഖ്യമന്ത്രി': രാഷ്ട്രീയം വ്യക്തമാക്കി നടൻ ദേവൻ
Last Updated:
നടി ആക്രമിക്കപ്പെട്ട സംഭവത്തിൽ അമ്മയുടെ നിലപാട് ശരിയല്ലെന്നും ദേവൻ പറഞ്ഞു. മൊഴി മാറ്റിയ താരങ്ങളുടെ നടപടി തീർത്തും തെറ്റായിരുന്നെന്നും ഇക്കാര്യത്തിൽ താനല്ല അഭിപ്രായം പറയേണ്ടതെന്നും അദ്ദേഹം പറഞ്ഞു.
advertisement
പുതുതായി രൂപീകരിക്കുന്ന നവകേരള പീപ്പിൾസ് പാർട്ടിയുടെ നയങ്ങൾ വിശദീകരിക്കാൻ ചേർന്ന യോഗത്തിലാണ് ദേവൻ ഇടതു സർക്കാരിനെതിരെ രൂക്ഷവിമർശനം ഉയർത്തിയത്. കേരളത്തിലെ അവസാന കമ്മ്യൂണിസ്റ്റ് മുഖ്യമന്ത്രി ആയിരിക്കും പിണറായി വിജയൻ. സ്വർണക്കടത്ത് ഉൾപ്പെടെയുള്ള വിഷയങ്ങളിൽ മുഖ്യമന്ത്രിക്കും പങ്കുണ്ടെന്ന സത്യം വേദനയോടെയാണ് മലയാളികൾ ഉൾക്കൊണ്ടതെന്നും അദ്ദേഹം പറഞ്ഞു.
advertisement
advertisement
താനുമായി ബി ജെ പി നേതൃത്വം ചർച്ച നടത്തി. എന്നാൽ, തന്റെ വ്യക്തിത്വം ആർക്കും അടിയറ വെയ്ക്കാൻ തയ്യാറല്ലാത്തതിനാൽ ബി ജെ പിയിൽ ചേരില്ലെന്നും ദേവൻ പറഞ്ഞു. തന്റെ പുതിയ പാർട്ടി ഇവിടുത്തെ നിലവിലുള്ള മുന്നണികൾക്കുള്ള രാഷ്ട്രീയ ബദലാണെന്നും ദേവൻ വ്യക്തമാക്കി. എന്നാൽ, തദ്ദേശ തെരഞ്ഞെടുപ്പിൽ പാർട്ടി മത്സരിക്കില്ലെന്നും സമാന ചിന്താഗതിയുള്ളവർക്ക് പിന്തുണ നൽകുമെന്നും അദ്ദേഹം പറഞ്ഞു.
advertisement